Nga Eljanos Kasaj
Gjatë konferencës për shtypin hungarez, pas përfundimit të punimeve të Takimit të Pestë të Këshillit Strategjik Kirgiz-Hungarez të mbajtur në Budapest ditën e premte, Ministri hungarez i Punëve të Jashtme dhe Marrëdhënieve Ekonomike me Jashtë Peter Szijjarto ka deklaruar se Hungaria është e përgatitur t’i ofrojë Presidentit rus Vladimir Putin siguri të plotë për bisedime të suksesshme me homologun e tij amerikan Donald Trump në Samitin që pritet të zhvillohet në Budapest brenda dy javësh.
“Jemi të gatshëm të sigurojmë të gjitha konditat e nevojshme që presidentët e Shteteve të Bashkuara dhe Rusisë të zhvillojnë bisedime në një mjedis të sigurt dhe të qetë”, ka theksuar gjatë fjalës së tij zoti Szijjarto.
Vlen të theksohet se vetë Presidenti i SHBA-së, Donald Trump, e ka përshkruar Hungarinë si një vend të sigurt dhe të përshtatshëm për takimin e tij me Presidentin rus Vladimir Putin.
Ndërsa pyetjes së gazetarëve nëse akuzat e ngritura kundër Presidentit Putin nga Gjykata Ndërkombëtare Penale në Hagë do të ishin një pengesë për mbërritjen e tij në Budapest dhe nëse Hungaria do të konsultohej me aleatët e saj për këtë, Ministri hungarez i është përgjigjur në mënyrë lakonike, por :
“Nuk kemi nevojë për konsultime me askënd. Hungaria është një vend sovran. Ne do ta presim Presidentin Vladimir Putin këtu dhe do të sigurohemi që ai të zhvillojë negociata të suksesshme dhe më pas të kthehet në shtëpi!”
Hungaria, ashtu si Federata Ruse, Shtetet e Bashkuara të Amerikës dhe Republikën Popullore të Kinës, ka refuzuar të marri pjesë në aktivitetet e Gjykatës Penale Ndërkombëtare dhe të zbatoj vendimet e saj. Në prill të këtij viti, kryeministri bismarkian hungarez Viktor Orban mori vendimin që vendi i tij të tërhiqej nga Gjykata Penale Ndërkombëtare pasi gjykata lëshoi një urdhër arresti për Kryeministrin izraelit Benjamin Netanjahu. Kreu i qeverisë hungareze e kritikoj ashpër këtë vendim dhe u shpreh se ky organ gjyqësor ndërkombëtar ishte bërë tashmë një instrument i ndikimit politik. Pas kësaj, Kryeministri Netanjahu vizitoi Budapestin, ku u takua me Kryeministrin Orban.
Por ky vendim i qeverisë hungareze nuk duhet kufizuar vetëm në bazë të korniza ideologjike të udhëheqjes së Kryeministrit Orban ose rrethanave specifike të situatës aktuale gjeopolitike. Në vitin 2024, një tjetër vend anëtar i Gjykatës Penale Ndërkombëtare, Mongolia, rrefuzoj të zbatonte urdhër arrestin ndaj Presidentit Putinit kur ai zhvilloj një vizitë shtetërore. Qeveria mongole deklaroi se shkak i mos-zbatimit të udhërit ndërkombëtar qe mardhënia speciale historike e Mongolisë me Rusinë dhe pozicioni i Rusisë si furnizuesi kryesor me burimetë energjisë(gaz, hidrokarbure, vaj) për Mongolinë.
Ndërkohë ndihmësi i Presidentit Putin, Jurij Ushakov, ka thënë për mediat ruse se Moska dhe Uashingtoni kanë filluar punën me kolegët e tyre hungarez për organizimin e takimit të ri midis dy udhëheqësve në Budapest, duke treguar kështu një frymë të përbashkët mirëkuptimi dhe bashkëpunimi midis palëve.
/Argumentum.al
