“Kemi vullnet të palëkundur, vendosmëri të fortë dhe aftësi të fuqishme që të thyejmë të gjitha aktet përçarëse të ‘pavarësisë e Tajvanit’ dhe ndërhyrjet e jashtme, në mbrojtje të sovranitetit, tërësisë territoriale të vendit dhe garantimit të sigurisë dhe lumturisë së popullit të Tajvanit,” deklaroi të mërkurën Chen Binhua, zëdhënësi i Zyrës së Çështjes së Tajvanit pranë Këshillit të Shtetit të Kinës, duke komentuar fjalët e fundit të liderit të rajonit të Tajvanit Lai Ching-te.
Gjatë një interviste të ditëve të fundit për një media amerikane, Lai trumbetoi sërish të ashtuquajtën “teori e re e dy shteteve”, që do të thotë “dy brigjet e ngushticës së Tajvanit nuk i përkasin njëri-tjetrit”. Ai gjithashtu fabrikoi shpifje se manovrat ushtarake të pjesës kontinentale të Kinës, kanë dëmtuar paqen dhe stabilitetin e rajonit “Indo-Paqësor”, duke bërtitur rritjen e buxhetit ushtarak të Tajvanit dhe zhvillimin e “forcës kërcënuese” kundrejt pjesës kontinentale, së bashku me “bllokun demokratik”.
foto nga VCG
Zëdhënësi Chen tha se në fjalët e tij, Lai përmbysi fund në krye dhe ekzagjeroi “kërcënimet nga pjesa kontinentale”, duke përhapur teorinë absurde për “pavarësinë e Tajvanit” ndërmjet forcës dhe vendeve të tjera. Ai mashtroi sërish banorët në Tajvan dhe opinonin publik ndërkombëtar, gjë që ekspozon plotësisht natyrën e tij si “shkatërrues i paqes mes dy brigjeve” dhe “fabrikues i krizës së Ngushticës së Tajvanit”.
Përgjatë një viti që nga marrja e detyrës si lider i Tajvanit, Lai ka rënë në kundërshtim me vullnetin kryesor të popullit të Tajvanit, ka këmbëngulur në qëndrimin e “pavarësisë së Tajvanit”, ka predikuar i shfrenuar teorinë absurde për pavarësi, ka nxitur “kundërshtim ndaj Kinës” dhe kundërvënie midis dy brigjeve duke e çuar Tajvanin në një situatë të rrezikshme pranë luftës. Njëkohësisht, ai ia ka shitur Tajvanin forcave të huaja, duke dëmtuar rëndë interesat thelbësore të bizneseve dhe popullit tajvanez, pa përfillur bazën e ekonomisë së Tajvanit dhe perspektivën e zhvillimit të rajonit, vuri në dukje zëdhënësi.
Ai tha se Tajvani është pjesë e territorit të Kinës. Kina kontinentale dhe Tajvani i përkasin një Kine të vetme. Ky është një fakt historik dhe ligjor i padiskutueshëm, si dhe status quo-ja e pandryshueshme ndër-ngushticë, theksoi Chen, duke shtuar se ne e vlerësojmë paqen, por kurrë nuk do t’i tolerojmë forcat separatiste të “pavarësisë së Tajvanit”, as nuk do të rrimë duarkryq përballë dëmtimit të Tajvanit nga forcat për ‘pavarësinë e Tajvanit’.”/CGTN
