Të martën u mbajt në Kejptaun Sesioni për Afrikën e Jugut i Dialogut Global “Kina në Pranverë – Zhvillimi i Kinës Sjell Mundësi për Botën”, i organizuar nga Grupi Mediatik i Kinës (CMG). Presidenti i CMG, Shen Haixiong, mbajti një videofjalim në aktivitet. Gjithashtu ishin të pranishëm dhe mbajtën fjalime Konsulli i Përgjithshëm të Kinës në Kejptaun, Ren Faqiang, zv/Kryetari i Këshillit të Provincave të Afrikës së Jugut, Les Govender dhe Kryetari i Parlamentit Provincial të Western Cape, Daylin Mitchell. Rreth njëqind të ftuar nga rrethet politike, akademike, mediatike dhe studentë të rinj të Afrikës së Jugut, morën pjesë në aktivitet.
foto nga CMG
Shen Haixiong tha se “Dy Sesionet” vjetore të Kinës, si një dritare e rëndësishme për të vëzhguar Kinën në epokën e re, tërhoqën përsëri vëmendjen e mbarë botës. Takimet e këtij viti miratuan dokumente të rëndësishme, siç është projekti i Planit të 15-të Pesëvjeçar. Plani i Kinës për zhvillim me cilësi të lartë, i ofron gjithashtu botës një “listë të re mundësish”. Ashtu siç tregon edhe një sondazh global i CGTN pranë CMG, mbi 80% e të anketuarve vlerësojnë zhvillimin cilësor të ekonomisë kineze, që drejton prirjen e zhvillimit të ekonomisë botërore dhe i injekton botës së trazuar qëndrueshmëri të çmuar dhe energji pozitive.
Shen shtoi se Presidenti Xi Jinping theksoi gjatë Dy Sesioneve nevojën për të zgjeruar hapjen në nivel të lartë, për të eksploruar gjerësisht tregjet globale dhe për t’u lidhur më mirë me ciklin ekonomik ndërkombëtar. Kjo tregon edhe një herë vendosmërinë e fortë të Kinës se “dera e hapur e saj do të hapet edhe më shumë”. Që nga fillimi i këtij viti, forcat e reja prodhuese të Kinës janë zhvilluar me shpejtësi. Nga popullariteti global i modeleve të mëdha të Kinës, deri tek debutimi mahnitës i një grupi robotësh inteligjentë në Galanë e Festës së Pranverës të CMG-së, dhe rigjallërimi i tregut të konsumit përmes nismave ekonomike të bazuara tek filmat, të tilla si “film + turizëm”, “film + ushqim” dhe “film + trashëgimi kulturore jomateriale”.
Kina, ky “oaz sigurie”, po krijon vazhdimisht mundësi të reja zhvillimi. CMG është e gatshme të shfrytëzojë avantazhet e saj në integrimin e transmetimeve, në novacionin teknologjik dhe në burimet mediatike, që të nxisë favorizimin e botës me rezultatet e modernizimit kinez. “Zhvillimi i Kinës nuk mund të ndahet nga bota, ndërsa lulëzimi i botës ka nevojë për Kinën. Le të bashkojmë forcat për të promovuar paqen e zhvillimin botëror dhe për të kontribuuar në ndërtimin e një bashkësie me të ardhme të përbashkët për njerëzimin,” përfundoi Presidenti i CMG-së.
foto nga CMG
Ren Faqiang, Konsulli i Përgjithshëm i Kinës në Kejptaun, tha se hapja e Kinës është një gjë e mirë për mbarë botën. Stabiliteti i Kinës i ka shtuar sigurinë bashkësisë ndërkombëtare. Kina ka promovuar me vendosmëri hapjen e nivelit të lartë. Ajo do të zbatojë plotësisht masat me tarifa zero për 53 vende afrikane me marrëdhënie diplomatike me Kinën, që nga 1 maji 2026, gjë që do t’u sjellë dividentë realë tregtarë vendeve afrikane, përfshirë Afrikën e Jugut.
foto nga CMG
Les Govender, nënkryetari i këshillit të provincës së Afrikës së Jugut, tha se masat e Kinës me tarifa zero ndaj vendeve afrikane, do të ndihmojë në zgjerimin e shkallës së tregtisë dypalëshe, promovimin e punësimit lokal dhe injektimin e një vrulli të ri në zhvillimin e Afrikës.
foto nga CMG
Daylin Gary Mitchell, Kryetar Parlamenti i provincës Western Cape, tha se arritjet e Kinës në zhvillimin ekonomik, novacionin shkencor e teknologjik dhe në zbutjen e varfërisë, ofrojnë frymëzim të dobishëm për vendet e Jugut Global. Afrika dhe Kina duhet të forcojnë më tej zhvillimin e koordinuar në novacionin shkencor e teknologjik, si dhe në trajnimin e talenteve.
foto nga CMG
Në veprimtari, të ftuarit zhvilluan diskutime të thelluara rreth temave si ”Fuqizimi i modernizimit me teknologji, motori i ri i bashkëpunimit novator midis Kinës dhe Afrikës”, “Mësimi i ndërsjellë i qytetërimeve dhe komunikacioni global: hapësira e re e bashkëpunimit mediatik Kinë-Afrikë”. Pjesëmarrësit ishin të mendimit se bashkëpunimi Kinë-Afrikë po ecën drejt një etape të re me motorin e ri dhe me krijimin e përbashkët, veçanërisht në fusha të tilla si inteligjenca artificiale, energjitë e reja, ekonomia digjitale, etj.
Në veprimtari u paraqitën disa programe me cilësi të lartë, duke përfshirë emisionin e parë të kulturës industriale në shkallë të gjerë të CMG-së, “Kronika e Zanateve Kineze”, dhe performanca “Wu Bot” e Galasë së Festës së Pranverës.
foto nga CMG
/cgtn
