Prej vitit të kaluar sistemi elektronik i tatimeve i regjistron dhe çregjistron bizneset nga regjistri pasiv në mënyrë automatike. Sipas të dhënave të tatimeve vitin e kaluar totali i bizneseve në regjistrin pasiv arriti në 124.7 mijë biznese. Lista u zgjerua me 10,748 biznese ose 8,6 për qind më shumë se në vitin 2018. Por gjithashtu vitin e kaluar nga regjistri pasiv kaluan në atë aktivi 5503 tatimpagues.
Përditësimi dhe azhornimi i regjistrit Pasiv behet nëpërmjet – kalimit në pasiv nga veprimet e pezullimin të aktivitetit që kryhen tatimpaguesi në QKB, dhe kalimi automatik nga sistemi edhe i tatimpaguesve që kanë periudhe mosdeklarimi dhe deklarimin pa veprimtari për më shume se 12 periudha mujorë të njëpasnjëshme. Kjo procedure për ekzekutimin e procesit të kalimit automatik në Pasiv nga Sistemi, funksionon rregullisht për çdo fund muaji.
Më pas të gjitha drejtoritë rajonale për Tatimpaguesit që kalojnë në regjistrin pasiv, u jepen për ndjekje Drejtorive dhe sektorëve të tjerë si Drejtorisë së Kontrollit dhe asaj të Hetimit të DRT për ndjekje të vazhdueshme nga ana e tyre.
E njëjta procedure ndodh edhe kur tatimpaguesit riaktivizohen përsëri. Në fillim te vitit 2019 në Sistemin e Ri Tatimor, bazuar ndryshimeve të ligjit të procedurave tatimore u bënë zhvillime për riaktivizimin automatik nga sistemi (kalimi nga pezulluar/pasiv ne aktiv) i tatimpaguesit kur ata kryejnë veprimin e heqjes së pezullimit në QKB.
Gjatë vitit janë kryer riaktivizime automatike të ardhura nga QKB për 5503 tatimpagues. Lista e tatimpaguesve pasive e përditësuar është e publikuar në faqen e web-it te DPT, e cila shërben për verifikim dhe konsultim dhe nga ana e tatimpaguesve për qëllime të transaksioneve të tyre.
