Kryeministri Edi Rama, në cilësinë e shefit të OSBE-së ka vizituar Moskën ku është takuar me shefin e diplomacisë ruse Sergey Lavrov. Një vizitë e cilësuar si historike nisur nga marrëdhëniet zyrtare Shqiperi-Rusi.
Kjo vizitë është pjesë e axhendës së kreut të qeverisë shqiptare në cilësinë e kreut të OSBE për vitin 2020.
Sikundër ishte paralajmëruar nga Ministria e Jashtme e , në tryezën e diskutimeve mes Ramës dhe Lavrov u preken disa çështje . Integrimi evropian, për të cilën Shqipëria pritet të marrë edhe një përgjigje nga lideret e unionit për hapjen e negociatave. Për çështjet rajonale, pjesë e së cilës është edhe minishengeni ndërmjet Tiranës, Shkupit dhe Beogradit. Për marrëdhëniet bilaterale mes Tiranës dhe Moskës, si dhe për planin e OSBE-së për 2020.
Rama në drejtimin e kësaj organizate ka kërkuar angazhimin e të gjitha shteteteve për të vendosur paqen në zonën e konfliktit në Ukrainë.
“Ne jetojmë në kohë me turbulenca, dhe sa i përket sigurisë, ajo është e brishtë në këtë rajon dhe njerëzit janë duke vuajtur dhe detyra jonë është që të shkojmë para përmes dialogut” , do të shprehej Kryeministri Rama para takimit me Ministrin Lavrov.
Ukraina
“Si kryetar i radhës i OSBE-së jam i vetëdijshëm për nevojën për të qenë një ndërmjetës i ndershëm, dhe njësoj siç ne e dinim që prej ditës së parë, jam këtu plotësisht në frymën e dialogut dhe të bashkëpunimit të mundshëm dhe në këtë frymë ne trajtuam së bashku me ministrin një sërë çështjesh kryesore që ndikojnë në sigurinë e rajonit tonë “, tha Kryeministri Rama. Është e lehtë të thuash se na duhet një bashkëpunim mes palëve, sidomos në konflikte, por nuk është e lehtë ta shohësh të realizohet në një mënyrë të qëndrueshme. Na duhet përpjekje e besueshme, për t’iu përmbajtur angazhimeve ndërkombëtare. Kemi vendosur në themel të misionit tonë të 2020-s nevojën për të bërë një dallim, në terren për njerëzit. Ndërkohë që formulat janë të pranishme për t’u zbatuar, njerëzve u duhet të jetojnë ditë pas ditë, të kalojnë natë pas natë dhe ajo që kam parë me sytë e mi në zonën e konfliktit ishte asgjë më pak sesa ndjesia në setin e një filmi të madh hollivudian për apokalipsin. Kriza në Ukrainë, zgjidhja e saj është përparësi kryesore e jona. Vizita në Ukrainë në fillim të këtij viti dëshmon rëndësinë që i kushtojmë kësaj çështjeje, ne do mbështesim të gjithë përpjekjet për të gjetur mënyrën, drejt zgjidhjes paqësore, kemi parë disa përparime, jo çdo gjë është e zymtë, mund të duken të vogla, por janë të mëdha për jetët e kaq shumë njerëzve, të mijëra civilëve që u duhet të përballen me jetesën në të cilën shkojnë nga njëra anë në tjetrën të zonës së mosangazhimit.
“Më lejoni të them drejtpërdrejt se mbështesim marrëveshjen e Minskut dhe besojmë se zbatimi i saj është thelbësor për të ecur përpara. Gjithashtu mirëpresim përfundimit e Samitit të Parisit, presim hapa të mëtejshëm, për të ruajtur këtë ritëm të krijuar. Për momentin nuk mund të mos bie dakord që presim përpjekje serioze. Rusia është një pjesëmarrës kyç në formatet negociuese në zonat e konfliktit, besoj se mund të përdorë ndikimin e saj për të na çuar më pranë paqes dhe sigurisht shpresoj fort që do ta bëjë këtë. Dua ta përmbyll me hyrjen ndoshta të gjatë timen duke thënë se është shumë i qartë se cili është pozicioni ynë si Shqipëri jemi anëtarë krenarë të NATO-s dhe SHBA-së, BE-së. Qëndrojmë plotësisht në përputhje me miqtë tanë të mëdhenj kur bëhet fjalë për çështje që ministri përmendi si sanksionet.”
Njohja e Kosovës
Ministri i Jashtëm i Rusisë, Sergey Lavrov, tha se Rusia do të pranojë çdo zgjidhje për Kosovën që është e pranueshme për Beogradin dhe Prishtinën.
Ai i bëri këto komente gjatë një konference për media me kryeministrin e Shqipërisë, Edi Rama, i cili po qëndron për vizitë në Moskë, në cilësinë e kryesuesit të Organizatës për Siguri dhe Bashkëpunim në Evropë (OSBE).
Lavrov kërkoi zbatimin e marrëveshjeve të arritura ndërmjet Kosovës dhe Serbisë, me theks të veçantë atë për krijimin e Asosacionit të Komunave Serbe, për moszbatimin e së cilës i fajësoi autoritetet e Prishtinës.
“Ka një sërë marrëveshjesh të arritura ndërmjet Beogradit dhe Prishtinës, përfshirë krijimin e Asosacionit të Komunave Serbe. Krijimi i Asosacionit do të ishte një hap më përpara për të siguruar respektimin e të drejtave të serbëve në Kosovë. Marrëveshja është arritur së paku gjashtë vjet më parë. Prishtina refuzon të respektojë detyrimet”, tha Lavrov.
Shefi i diplomacisë ruse u shpreh kritik edhe ndaj Bashkimit Evropian, që si ndërmjetësues i dialogut ndërmjet Kosovës dhe Serbisë, nuk ka arritur të sigurojë zbatimin e marrëveshjeve.
Kryeministri i Shqipërisë, Edi Rama vuri theksin tek qëndrimet e kundërta që kanë Shqipëria dhe Rusia për çështjen e Kosovës.
Ai tha se procesi i dialogut duhet të riniset dhe se kur bëhet fjalë për marrëveshjet e arritura deri më tani, palët në vazhdimësi e kanë fajësuar njëra tjetrën për moszbatimin e tyre.
Dialogu ndërmjet Kosovës dhe Serbisë për normalizimin e marrëdhënieve ka nisur në vitin 2011. Por, bisedimet u ndërprenë në fund të vitit 2018, kur Qeveria e Kosovës vendosi taksën 100 për qind ndaj produkteve nga Serbia dhe Bosnjë e Hercegovina.
I pyetur nga gazetaret në lidhje me Kosovën, ai u pergjigj:
“ Ju pyetët nëse unë mund të mendoj ndonjë datë kur Rusia do njohë Kosovën , është ajo çfarë përmendi Rama që duhet të ketë zbatim të asaj për çfarë bihet dakord, Ka një rezolutë 12,44 , që duhet zbatuar, që është miratuar dhe që ka një sërë marrëveshjesh mes dy vendeve, përfshi krijimin e asosacioneve së bashkimeve serbe në Kosovë dhe krijimi i kësaj do ishte një hap më para, për të siguruar të drejtat e atyre serbëve që jetojnë në Kosovë.
Marrëveshja është arritur së bashku 6 vjet më parë, Prishtina refuzon të respektojë detyrimet, e promovojmë dialogun por kolegët tanë në BE, nuk kanë arritur të sigurojnë zbatimin e këtyre marrëveshjeve. Megjithatë këmbëngul që kjo të zgjidhet në bazë të marrëveshjeve të miratuar. tha Lavrov.
Ndërsa Rama për të njëjtën gjë tha: “Po diskutuam rreth kësaj dhe jemi shumë larg sepse qëndrimi ynë është i qartë. Unë mendoj se është në të mirë të gjithkujt edhe të Serbisë që të njohë Kosovën siç është. Ne kemi mbështet dialogun, pajtimin për ta arritur realizimin e kësaj njohje.
Ka pasur shumë aspekt të dialogut të materializuar në marrëveshje që nuk e kanë parë dritën e realizmit.
I shpjegova Lavrov se na duhet të rinisim procesin, unë besoj se palët e fajësojnë shumë njeri tjetrit, por s’do i hyj kësaj. Unë do ti thoja ministrit opinionin tim , që vullneti i njerzve nuk mund të jetë me standarte të dyfishta kur bëhet fjalë për të njohur ose për të mos njohur atë cka vullneti i njerzve sjell në jetë për popullatat. Dhe për një popullatë, ai ajo e Kosovës që ka jetuar nën sundimin e një shteti që nuk e ka zgjedhur ajo, nuk e shoh pse të tjerët kanë të drejtën të ndahen e të kenë shtetet e tyre dhe Kosova jo. Megjithatë ky është një kapitull tjetër”.
“Sa më shpejt të njihet Kosova, aq më mirë do jetë për të gjithë, dhe sigurisht për vetë Serbinë”, deklaroi Rama ndër të tjera.
Nga ana tjetër, Lavrov deklaroi se çështja e Kosovës do zgjidhet dhe se Rusisë i intereson që të arrihet një marrëveshje Kosovë- Serbi dhe se ajo do të nxisë këtë dialog që të arrihet drejt një përfundimi.
Marrëdhëniet Shqipëri-Rusi
Detyrimet e Shqipërisë në NATO të mos pengojnë lidhjet dypalëshe me Rusinë
Detyrimet e Shqipërisë ndaj NATO-s dhe Shteteve të Bashkuara nuk duhet të pengojnë zhvillimin e marrëdhënieve bilaterale me Rusinë, tha Ministri i Jashtëm rus Sergej Lavrov të mërkurën pas bisedimeve me Kryeministrin shqiptar dhe Ministrin për Evropën dhe Punët e Jashtme Edi Rama, i cili është Kryetari aktual i OSBE-së në zyrë.
“Unë kam thënë tashmë që ne jemi të gatshëm t’i zhvillojmë marrëdhëniet aq aktive sa kolegët tanë shqiptarë i gjejnë rehat. Por zoti Kryeministri përmendi detyrimet e tyre ndaj NATO-s dhe Shteteve të Bashkuara në veçanti. Ne jemi gjithashtu të vetëdijshëm për përpjekjen e Shqipërisë për t’u bashkuar me Evropian Bashkimi, “vuri në dukje ai. “Ne e kuptojmë këtë. Isshtë një realitet politik, por ka shumë shembuj kur asnjë nga detyrimet që përmenda më parë nuk pengon zhvillimin e marrëdhënieve normale dhe të mira.”
Diplomati i lartë rus ka theksuar se marrëdhëniet e tilla ishin reciprokisht e dobishme në fusha të tilla si tregtia, investimet dhe bashkëpunimin ekonomik. “Unë nuk shoh asnjë arsye që mund të na pengojë në ndërtimin e marrëdhënieve të tilla të mira duke bërë të mundur zhvillimin e kontakteve midis njerëzve, përfshirë në sferat kulturore, humanitare dhe arsimore,” shtoi ai.
“Nuk është sekret por fakt që marrëdhëniet tona janë në mjaft nivele mjaft të ulëta. Më tha ambasadori rus që Shqipëria është vendi i vetëm në botë që nuk ka pasur një telefonatë të vetme prej shumë vitesh, kam përshtypjen prej Stalinit, sepse kur iku Stalini ju lamë dhe ne. Kjo tregon gjithçka, asnjë telefonatë, e lere më vizitë apo trajtime. Nuk mendoj që Rusia është armik për askënd me të cilin jemi përkrahur ndonjëherë, është konkurrent jo armik. Kemi shumë gjëra për të bërë pa pretenduar, të ndryshojmë themelet dhe pa pretenduar që të ndryshojë Rusia. Jemi të qartë për këtë. Ne do të përpiqemi që të kemi raste të takohemi sërish me ministrin dhe të vijojmë të lexojmë së brendshmi enciklopedinë e punëve të jashtme.”- u shpreh Rama, por në përgjigje mori nga ministri Lavrov firmosjen e marrëveshjeve në 2004, për të cilat, shefi i diplomacisë ruse tha se nuk janë ratifikuar ende.
“Me gjasë ajo çfarë ju përmendët është reale. Por në 2004 bëra një takim në Tiranë e më pas nënshkruam një traktat miqësie e bashkëpunimi me ministrin e jashtëm të asaj kohe, nuk u ratifikua sepse pala shqiptare e harroi, por fakt është se ekziston, është gati dhe ne mund ta bëjmë efektiv në mënyrë që të vijojmë me komunikimet dhe ne do të komunikojmë nëpërmjet telefonatave për zhvillimet e OSBE.” u shpreh Lavrov, i cili mori sakaq premtimin e kreut te qeverisë shqiptare se do të shohë këtë cështje me të mbërritur në Tiranë.
“ Në fakt telefonatat që nuk janë bërë që nga koha e Stalinit do të bëhen me ju. Ka pasur një marrëveshje po, por diçka që është nënshkruar nga qeveria e mëparshme nuk është se duhet hequr nga qeveria aktuale. Unë bëj çfarë them.” theksoi Rama.
/argumentum.al/
© Argumentum.
