Nga Eljanos Kasaj*
Më 14 qershor 2025, në Arlington, Virxhinia, dhe Uashington, D.C., të Shteteve të Bashkuara të Amerikës, u zhvillua Ditëlindja e 250-të e Paradës dhe Festimit të Madh Ushtarak të Ushtrisë Amerikane (The 250th Birthday of the U.S. Army Grand Military Parade and Celebration), për të përkujtuar 250-vjetorin e datës tradicionale të themelimit të Ushtrisë së Shteteve të Bashkuara më 14 qershor 1775, më e vjetra nga gjashtë degët e Forcave të Armatosura të Shteteve të Bashkuara.
Parada, e cila është eventi parë madhor ushtarak i këtyre përmasave që prej vitit 1991, festoi veteranët dhe anëtarët e shërbimit aktiv dhe njëkohësisht përkoi me 79-vjetorin e lindjes së Donald Trump, presidentit të 47-të të Shteteve të Bashkuara, aktualisht në mandatin e dytë presidencial.
Dita e Flamurit është gjithashtu më 14 qershor të çdo viti për të nderuar flamurin e Shteteve të Bashkuara dhe për të përkujtuar miratimin e flamurit. Parada ishte gjithashtu pjesë e festimeve që shënojnë Gjysmëpesëqindvjetorin e Shteteve të Bashkuara, 250-vjetorin e themelimit të kombit amerikan.
Ideja për një paradë ushtarake të ngjashme lindi gjatë mandatit të parë të presidentit Trump,në vitin 2018,pas admirimit të tijpër paradën ushtarake të Ditës së Bastijës në Champs-Élysées në Paris por, propozimi u refuzua nga Pentagoni për shkak të shqetësimeve se do të dukej tepër politik si event.
Parada e Ditës së Veteranëve në Uashington 2018 (e njohur ndryshe si “parada e parë ushtarake e Trump”) u planifikua që do të zhvillohej në Uashington, D.C., më 10 nëntor 2018, për nder të festës së Ditës së Veteranëve (e cila u zhvillua më 11 nëntor). Më 16 gusht 2018, u njoftua se parada ushtarake do të shtyhej deri në vitin 2019. Duke anuluar paradën për vitin 2018, Presidenti Donald Trump përmendi kostot e larta të parashikuara për paradën, për të cilat ai fajësoi zyrtarët dhe burokratët e qytetit të Uashington D.C.-së.
Pavarësisht debateve mbi kostot(të përllogaritura midis 20-25 milionë dollarëve amerikanë,të cilat zyrtarisht u tha prej administratës presidenciale që ishin prej donacioneve të ndryshme private dhe prej donacioneve të vetë presidentit Trump) dhe paralelizmave të bëra prej mediave amerikane midis paradëssë 14 qeshorit dhe paradave ushtarake të Koresë së Veriut,Republikës Popullore të Kinës ose Federatës Ruse, Presidenti Trump e ka pohur zyrtarisht admirin e tij për paradat udhtarake të zhvilluara me rastin e festimeve të jubileut të tetëdhjetë të përfundimit të Luftës së Dytë Botërore në vendet aleate evropiane(si në Francë, Rusi, Britani, etj), duke shprehur dëshirën e zhvillimit të një parade të ngjashme edhe në SHBA,duke qenë se ushtria amerikane jo vetëm që ka kontribuar në të dy luftrat botërore,por është njëkohësisht një nga ushtritë kombëtare më të vjetra në kontinentin Amerikan dhe në botë.
Në paradë morën pjesë rreth 6700 ushtarë nga 11 korpuse dhe divizione ushtarake në të gjithë vendin, delegacione prej akademive ushtarake, garda kombëtare amerikane, kavaleria amerikane,trupat parashutiste dhe rreth 150 automjete të blinduara, 50 helikopterë,avionë luftarakë, si dhe njesite dronesh.
E zhvilluar në të njëjtën kohë me protestat e medha të emigrantëve dhe grupeve liberale në disa prej qyteteve kryesore amerikane(si në Los-Anxhelos,Nju-Jork,Çikago,etj) të cilat kundërshtojnë ligjin e ri të administratës amerikane për deportimin e emigrantëve të jashtëligjshëm, luftës së heshtur të sanksioneve midis SHBA-së dhe shumë prej partnerëve të saj evropian, si dhe rritjes së tensioneve ushtarake në Lindjes e Mesme midis Izraelit dhe Iranit(të shoqëruara dhe me presionin ndërkombëtarë për denimin e luftës genoncidiale të Izraelit në Palestinë), kjo paradë mer një simbolikë të veçante, duke treguar qartë se SHBA-ja tashmë janë vënë në lëvizje për të “treguar muskujt” dhe për të bërë edhe njëherë të ditur për komunitetin botërorë statusin e saj si superfuqi ushtarake,të sfiduar prej dështimve në Afganistan, Ukrainë dhe Afrikë.
Ajo gjithashtu simbolizon përfundimin e dialogut reciprok diplomatik dhe humbjen e fuqisë se organizatave ndërkombëtare (si Kombet e Bashkuara, Këshilli i Evropës, etj)duke i hapur shteg militarizmit dhe gjuhës së diplomacisë së fushëbetejës.
*Fakulteti i Shkencave Politike dhe Politikave Botërore,Universiteti i Wrocłw(Poloni)
/Argumentum.al
