Presidenti i SHBA-së, Joe Biden ka uruar shqiptarët me rastin e 100-vjetorit të marrëdhënieve diplomatike Shqipëri-Shtetet e Bashkuara të Amerikës.
Në videomesazhin drejtuar konferencës së mbajtur sot në Tiranë, Presidenti i SHBA-ve Joe Biden theksoi se në të ardhmen SHBA-të do të vazhdojnë që të qëndrojnë pranë Shqipërisë.
“Dërgoj urimet më të përzemërta për miqësinë jetëgjatë të SHBA-ve, ndërsa festojmë 100- vjetorin e vendosjes së marrëdhënieve diplomatike mes vendeve tona. Kur SHBA-të mbrojtën pavarësinë e Shqipërisë pas Luftës së Parë Botërore u krijua një miqësi e përhershme e popujve tanë, një dashuri e përbashkët për lirinë dhe vlerat e demokracisë të cilat nuk u thyen kurrë edhe në dekadat e diktaturës. Në të ardhmen SHBA-të do të vazhdojnë që të qëndrojnë pranë Shqipërisë, ndërsa vendi forcon institucionet demokratike, lufton korrupsionin dhe përmbushni udhëtimin për t’iu bashkuar BE. Uroj që dy kombet të vazhdojnë të ndërtojnë gjithçka kemi arritur së bashku dhe të ofrojmë një të ardhme më shpresëdhënëse për fëmijët tanë”, tha Presidenti i SHBA-së Joe Biden.
Një mesazh urimi me rastin e 100-vjetorit të marrëdhënieve diplomatike Shqipëri – Shtetet e Bashkuara të Amerikës ka ardhur dhe nga Presidenti i SHBA-së George W i cili ka kujtuar me krenari vizitën e tij në Shqipëri në vitin 2007 Presidenti i parë i SHBA-së në detyrë që vizitonte vendin tonë.
Në ceremoninë e 100-vjetorit të marrëdhënieve mes Shqipërisë dhe SHBA-së, ambasadorja e SHBA-së Shqipëri, Yuri Kim lexoi mesazhin e Presidentit të SHBA-së George W. Bush drejtuar shqiptarëve
“Unë dhe Laura ju dërgojmë përshëndetje dhe urimet më të ngrohta për mbarë popullin shqiptarë ndërsa festojmë 100-vjetorin e marrëdhënieve diplomatike midis Shteteve të Bashkuara të Amerikës dhe Shqipërisë. Ky gur kilometrik i veçantë është një dëshmi e miqësisë midis dy vendeve tona dhe vlerave të të përbashkëta demokratike”, lexoi ambasadorja Kim, mesazhin e Presidentit Bush.
“Në vitin 2007 isha krenar që u bëra Presidenti i parë i SHBA-së në detyrë që vizitonte Shqipërinë. Laura dhe unë nuk do të harrojmë kurrë kohën që kaluam në vendin tuaj të bukur. Ne u bëmë vetë dëshmitarë të mikpritjes tuaj të sinqertë dhe të përkushtimit tuaj ndaj demokracisë dhe marrëdhënieve të forta me Shtete e Bashkuara. Kujtoj gjithashtu pasionin tuaj për zhvillim dhe tolerancë. Jam i lumtur të shoh Shqipërinë dhe SHBA teksa punojnë krah për krah si aleatë në NATO dhe në Këshillin e Sigurimit të OKB-së duke mbrojtur demokracinë, paqen dhe të drejtat e njeriut. Shpirti shqiptar që kurrë nuk resht së përpjekuri për liri dhe tradita juaj e besës për t’i shtrirë dorën e ndihmës së njerëzve në nevojë janë vlerat që shpresoj do të bëhen shembull për të tjerët. Shqipëria është një forcë e së mirës në botë. Shtetet e Bashkuara janë krenarë që ju quajnë mike dhe aleate. Gëzuar të gjithëve 100-vjetorin e miqësisë sonë jetëgjatë. Uroj dhe shumë vite të tjera të shkëlqyer dhe premtues në vazhdim. Zoti ju bekoftë”, shprehet Presidenti i SHBA-së George W. Bush.
/Argumentum.al
