Kondicionerë portativë pa shpim muri, çadra me spërkatje, ventilatorë që mund t’i varësh në mes të trupit dhe peshqirë me ndjenjë akulli që mund ta ulin menjëherë temperaturën 3°C… Këtë verë, një valë super të nxehti përfshiu Evropën, ndërsa “pajisjet ftohëse verore” të Kinës janë bërë produktet më të shitura. Disa konsumatorë evropianë udhëtuan deri në 200 kilometra vetëm për të blerë një kondicioner kinez. Nën një postim për një kapelë me ventilator në një platformë sociale, përdoruesit e internetit pyetën me padurim se ku mund të blinin një “shpikje kineze” kaq të veçantë… Të dhënat tregojnë që në pesë muajt e parë të këtij viti, eksportet e kondicionerëve të Kinës në vendet e Evropës Perëndimore, si Franca, Holanda dhe Belgjika, u dyfishuan në krahasim me të njëjtën periudhë të vitit të kaluar. Ndërsa muajin e kaluar eksportet e kondicionerëve kinezë në Evropë u rritën me 72.8 % në krahasim me qershorin e vjetshëm.
Me ngritjen e vazhdueshme të unilateralizmit e proteksionizmit, që nga fillimi i këtij viti, BE-ja i ka shtuar vazhdimisht kufizimet ekonomike dhe tregtare ndaj Kinës. Në këtë sfond, kondicionerët kinezë dhe “pajisjet ftohëse verore” të tjera po shiten mirë në Evropë, kurse vlera e përgjithshme e tregtisë midis Kinës dhe BE-së u rrit prej 10.3 % në pesë muajt e parë të këtij viti në krahasim me të njëjtën periudhë të vitit të kaluar. Kjo vërteton plotësisht se thelbi i bashkëpunimit ekonomik dhe tregtar Kinë-BE është leverdia e ndërsjellë dhe përfitimet e përbashkëta, thekson Grupi Mediatik i Kinës (CMG) në një koment të tij.
Kondicionerë portativë pa shpim muri janë bërë”pajisjet ftohëse verore” të Kinës janë bërë produktet më të shitura, më 2 korrik 2026 në tregun e mallrave të vogla në Yiwu / VCG
Është vënë re se në fund të qershorit, Kina dhe Evropa krijuan zyrtarisht një mekanizëm konsultimi tregtar dhe investimesh, që synon kryesisht forcimin e dialogut në drejtim të politikave tregtare dhe të investimeve në nivel ministror, për të stabilizuar marrëdhëniet dypalëshe dhe për t’i bërë ato më të ekuilibruara. Kjo është një përgjigje racionale ndaj rregullave të tregut dhe ka gjetur jehonë gjerësisht. Kina nuk është shkaku kryesor i problemeve të BE-së, por një partner për zgjidhjen e tyre, thekson CMG-ja.
Porositë kanë pasuar kërkesën. “Prodhuar në Kinë” magjeps mbarë botën kryesisht për shkak të dizenjimit të saktë të produktit dhe cilësisë së mirë. Nga projektimi i njësive të turbinave të erës të përmirësuara për një mjedis me erë me shpejtësi të lartë posaçërisht për rajonin e Kaukazit, deri te forcimi i menaxhimit termik të baterive e i mbrojtjes nga rëra për klientët në Lindjen e Mesme dhe te sigurimi i porosive me vëllim të paktë për kompanitë fillestare jashtë vendit, të gjitha këto demonstrojnë aftësinë e furnizimit të personalizuar dhe të përshtatjes së saktë të “Prodhuar në Kinë,” thuhet në komentin e CMG-së.
“Pajisjet ftohëse verore” të Kinës janë bërë produktet më të shitura për evropianët, më 2 korrik 2026 në tregun e mallrave të vogla në Yiwu / VCG
Për më tepër, “Prodhuar në Kinë” ka dhe një raport të mirë cilësi-çmim. Të marrim si shembull industrinë e robotikës, që është në lulëzim e sipër. Aktualisht, çmimet e robotëve kinezë janë rreth një e treta e produkteve të ngjashme evropiane e amerikane, por paraqitja dhe cilësia e tyre përputhen me standardet ndërkombëtare, ose madje dhe i kalojnë, duke qenë të pëlqyera në tregun global.
Krahas aftësive të forta, edhe shërbimet e “Prodhuar në Kinë” janë të përsosura. Për shembull, një kompani kineze që eksporton makineri të rënda, si ekskavatorë dhe vinça, ofron jo vetëm pajisje, por edhe shërbime me vlerë të shtuar, si funksionimi dhe mirëmbajtja në distancë, paralajmërimi për defekte etj. Një kompani tjetër kineze eksporton sistemet e ndriçimit emergjent duke e paketuar harduerin me “softuer + funksionim dhe mirëmbajtje” e duke i pajisur produktet me “tru inteligjent” për t’u përshtatur me skenarët kompleksë të ndriçimit të përdoruesve të huaj dhe duke nxitur në mënyrë efektive përmirësimet digjitale e inteligjente vendore. Sot integrimi i thellë i shërbimeve gjatë gjithë ciklit jetësor të produktit është bërë një veçori dalluese e transformimit dhe përmirësimit të “Prodhuar në Kinë”, komenton CMG-ja.
Një pronar në qendrën e mallrave të vogla në Yiwu, prezantoi kapelë me ventilator, më 2 korrik 2026 / VCG
Aktualisht, Kina po kalon nga “fabrika e botës” në “ofruese zgjidhjesh” për të nxitur zhvillimin e përbashkët të globit. Faktet dëshmojnë plotësisht se Kina është një partnere e besueshme dhe që, nëse Kina është mirë, edhe bota do të jetë shumë më mirë, përfundon komenti i CMG-së./CGTN
