Autoritetet amerikane të shëndetësisë kanë klasifikuar Shqipërinë në listën e vendeve ku të vaksinuarit mund të udhëtojnë lirisht për turizëm apo arsye biznesi.
Lajmin e bëri me dije Ambasadorja e SHBA në Tiranë, Yuri Kim, përmes një postimi në Twitter ku tha se Qendrat për Kontrollin dhe Parandalimin e Sëmundjeve (CDC) e kanë vendosur Shqipërinë në Nivelin 1, që do të thotë se qytetarët që janë plotësisht të vaksinuar mund të udhëtojnë në vend.
“Ky është një lajm i mirë për amerikanët që dëshirojnë të udhëtojnë në Shqipëri për qejf apo për biznes,” – shkroi ambasadorja Kim.
<blockquote class=”twitter-tweet”><p lang=”en” dir=”ltr”>As of June 7, 🇺🇸 CDC has upgraded Albania to “Level 1: Low Level of COVID-19”. This is good news for Americans who wish to travel to Albania for fun or business. See attached for CDC recommendations. <a href=”https://t.co/wi94ojlNMR”>https://t.co/wi94ojlNMR</a></p>— Ambassador Yuri Kim (@USAmbAlbania) <a href=”https://twitter.com/USAmbAlbania/status/1402277408263319552?ref_src=twsrc%5Etfw”>June 8, 2021</a></blockquote> <script async src=”https://platform.twitter.com/widgets.js” charset=”utf-8″></script>
Shtetasve amerikanë, të cilët janë të vaksinuar nga COVID-19, nuk do t’u kërkohet të vihen në karantinë pas kthimit në SHBA, por vetëm të paraqesin një test negativ për infeksionin të bërë 72 orët e fundit.
Pas një periudhe të vështirë në muajt janar-mars ku numri i rasteve aktive shkoi deri në 35,800 persona – sa 36% e totalit të rasteve të pikasura prej marsit 2020 – Shqipëria ka gëzuar një prirje në rënie të infeksionit ku prej mesit të muajit maj rastet aktive kanë rënë në vetëm 230 sot – sa 0.1% e totalit të rasteve.
