Një marrëveshje Shqipëri-SH.B.A. mbi koordinimin e teknologjisë 5G u nënshkrua nga Kryeministri Edi Rama dhe Sekretari i Shtetit i SHBA Antony Blinken të Dielën në Bruksel.
Rama tha se duhen bërë përpjekje që kjo nismë të përqafohet edhe nga vendet e tjera të Rajonit, e shtoi se shpreson, që kjo të mos komprometohet nga aktorë të tretë.
Ndërsa Blinken tha se ” kemi shumë punë të mira për të bërë dhe atje, ky partneritet po bëhet më i fortë dhe më i thellë, dhe ne e vlerësojmë shumë lidershipin tuaj për ta bërë këtë”.
Mendoj që po vendosni një shembull mjaft të mirë për të tjerët për nevojën për të siguruar kur bëhet fjalë për rrjetet më të ndjeshme teknologjike që kemi ne , të punojmë me shitës të besueshëm.
Kjo është shumë e rëndësishme dhe një mesazh shumë i rëndësishëm për tu dërguar të tjerëve.
Jemi mirënjohës për punën që SHBA dhe Shqipëria kanë bërë në shumë fusha të ndryshme përfshi dhe stërvitjen Defender që është përmbushur me kaq shumë sukses. Presim me padurim të merrni vendin në këshillin e sigurimit kemi shumë punë të mira për të bërë dhe atje, ky partneritet po bëhet më i fortë dhe më i thellë, dhe ne e vlerësojmë shumë lidershipin tuaj për ta bërë këtë.
Rama: Për mua dhe për ne në Shqipëri është një moment shumë i rëndësishëm që siç e dini ne e kemi ndërmarrë këtë nismë prej disa vitesh dhe kemi kërkuar që dhe vende të tjera të bëhen bashkë , që të gjithë së bashku të bëjmë përpjekje për një korridor të sigurt komunikimi, që të mos kompromentohet nga aktorë të tretë, që jo pak herë janë dashakeqe, jemi falenderues, shpresojmë që së bashku të bindim dhe të tjerët. Krenari për Shqipërinë te jetë krah jush. Po vendosni një shembull mjaft të mirë.
<iframe src=”https://www.facebook.com/plugins/video.php?height=314&href=https%3A%2F%2Fwww.facebook.com%2Fedirama.al%2Fvideos%2F779185562784970%2F&show_text=false&width=560&t=0″ width=”560″ height=”314″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
Ngjarja ndodh disa ditë pasi Sekretari i Shtetit i SHBA nënshkroi vendimin për të deklaruar ish-Kryeministrin Sali Berisha dhe anëtarët e ngushtë të familjes së tij “non grata” në SH.B.A
