HINA[i]
Shefi i delegacionit të Bashkimit Europian në Beograd Andreas von Beckerath tha të enjten se deklarimin e qëllimit të saj strategjik për antarsimin në Bashkimin EuropianSerbia duhet t’ia bëjë të dukshëm Brukselit, duke numuruar detyrimet e ndërmarra që qëndojnë për zgjidhje para Beogradit zyrtar. Von Beckerath i dorëzoi sot presidentit serb Aleksandër Vuçiçi raportin e fundit të Komisionit Europian mbi përparimin e vendeve kandidate dhe kandidatë potencialë për antarsim në Union dhe, në konfrencën e përbashkët për gazetarët, konstatoi se Serbia “vazhdon të deklarohet për antarsimin në BE si qëllim satregjik dhe këtë BE-ja e merr seriozisht”.
“Tani është koha që kjo të mbështetet me aksione konkrete. Pushteti në Beograd duhet t’a tregojë qartazi këtë përzgjedhje strategjike dhe të evitojë retorikën antieuropiane. Bashkimi Europian pret mënyrë poaktive dhe objektive komunikimi në procesin e antarsimit në BE. E ardhmja e Serbisë qëndron në BE dhe kjo duhet thënë qartë, jo vetëm me fjalë, por edhe me vepra”- tha Shefi i misionit të BE-së në Beograd.
Serbia i ka nisur bisedimet për antarsimin në BE në vitin 2014 dhe, gjatë 14 viteve të kaluara ka hapur 22 kapituj, nga të cilët vetëm dy janë mbyllur. Në pothuajse katër vitet e fundit Serbia nuk ka bërë asnjë lëvizje pozitive në bisedime, klasteri i fundit është hapur në vitin 2021.
Serbia është vendi i vetëm ndër shtetet kandidate që nuk e harmonizon politikën e saj të jashtme dhe të sigurisë me atë të BE-së në këndvështrimin e marradhënieve me Rusinë. Von Beckerath tha se nga Serbia pritet që të tejkalohet ndalimi në fushën e drejtësisë, shtetit të së drejtës, respektimit të të drejtave të njeriut dhe urgjent duhet të përmbyset prapambetja në këndvështrimin e lirisë së shprehjes dhe erozionit të lirive akademike. Nënvizoi se kjo nënkupton edhe përputhshmëri më të madhe me politikën e jashtme të përbashkët me BE-në.
“Konkluzioni është se Serbia duhet të tejkalojë ndarjet, të rindërtojë besimin mes aktorëve politikë dhe qytetarë, duhet të shohim përparim konkret, të prekshëm, në shtetin e së drejtës, kuadrin zgjedhor dhe lirinë e mediave”, nënvizoi Von Beckerathi, duke vlerësuar se “reformat nuk janë të lehta, por janë të domosdoshme dhe i’a vlejnë çdo përpjekje”. Ai nënvizoi se BE-ja vazhdon të jetë e gatshme të vazhdojë ofrimin e ndihmës për Serbinë në reformat demokratike dhe institucionale. “Por pronari i këtij procesi është Serbia dhe për këtë duhet të vendoset këtu”- theksoi Von Beckerathi.
Presidenti serb Aleksandër Vuçiç përsëriti se antarsimi në BE mbetet qëllimi strategjik i Serbisë.
“Ju në BE nuk keni pse të shqetësoheni – së shpejti vjen edhe fundi i mandatit tim, e më pas do të vijë ndonjë më i këndshëm. Rruga jonë strategjike është rruga europiane, deri në zgjedhje. Nuk di nga do të duhet të shkojmë tjetërkund. Ne jemi në një pozitë më të vështirë se të tjerët”, nënvizoi Vuçiçi, duke shtuar se përsa i përket reformave “do të japë gjithçka nga vetja”.
“Do ta marrim raportin (e Komisionit Europian) në shqyrtim në mënyrë shumë serioze, do të shohim çfarë mund të ndreqim”, tha Vuçiçi.
I pyetur nëse, pas tre vite e gjysëm, ekziston mundësia e ndryshimit të politikës së sanksioneve kundër Rusisë, Vuçiçi e drejtoi gishtin te vendimi i Këshillit për sigurinë kombëtare të Serbisë, i marrë në fillim të luftës në Ukraianë.
“Edhe në Këshillin e sigurisë edhe në qeverinë e Serbisë njerëzit mund t’a ndryshojnë këtë vendim. Qeveria ka kompetencë t’a ndryshojë këtë vendim”, tha Vuçiçi.
Duke komentuar problemet e lindura në lidhje me sanksionet amerikane ndaj Industrisë së Naftës së Serbisë (NIS), e cila është pronë me shumicë ruse, Vuçiçi tha se “është më pak pesimist se ka qënë më parë” dhe shpreson se “situata në lidhje me NIS-in do të zgjidhet, mirë dhe në mënyrë të përshtatshme për Serbinë”.
[i] https://www.jutarnji.hr/vijesti/svijet/vucicu-uruceno-apos-vruce-apos-pismo-iz-bruxellesa-on-uzvratio-ne-brinite-uskoro-ce-moj-kraj-doci-ce-netko-sarmantniji-15640160?cx_linkref=jl_home_g2_g3
/Përktheu për Argumentum Xhelal FEJZA
