Kina do të ndëshkojë me vendosmëri forcat separatiste të “pavarësisë së Tajvanit” në përputhje me ligjin, në qoftë se guxojnë të përfshihen në akte që ndajnë vendin ose dëmtojnë unitetin kombëtar, tha të mërkurën zëdhënësi i Zyrës së Çështjeve të Tajvanit të Këshillit të Shtetit Chen Binhua.
Ai i bëri këto komente në një konferencë shtypi në përgjigje të një pyetjeje të medias rreth sulmeve të pabazuara të autoriteteve të Tajvanit kundër Ligjit të Promovimit të Unitetit dhe Përparimit Etnik të sapohyrë në fuqi.
Ligji përcakton haptas marrjen e masave bazuar në ligj për të luftuar veprimet e paligjshme në fushën e çështjeve etnike, duke u bazuar në kushtet kombëtare të Kinës dhe duke qenë në përputhje me parimet ligjore e me praktikat ndërkombëtare, tha zëdhënësi.
Sipas tij, ligji përfaqëson një hap të drejtë e të nevojshëm për të mbrojtur sovranitetin kombëtar, unitetin dhe integritetin territorial.
Duke vënë në dukje që autoritetet e Partisë Demokratike Progresive (DPP) të Tajvanit kanë nisur në mënyrë të përsëritur sulme të pabaza dhe shpifje kundër ligjit, Chen shtoi se qëllimi i tyre është të sajojnë justifikime për tradhtinë ndaj kombit dhe për përpjekjet për të ndarë vendin, për të dëmtuar marrëdhëniet ndërmjet dy brigjeve të ngushticës dhe për të kufizuar shkëmbimet ndërmjet dy brigjeve të ngushticës.
Pavarësisht se çfarë marifetesh mund të përdorin autoritetet e DPP-së, ato nuk mund të ndryshojnë faktin që të dy anët e Ngushticës së Tajvanit i përkasin një Kine dhe as nuk mund të ndalojnë prirjen historike të arritjes së ribashkimit të atdheut përfundimisht./CGTN
