Presidenti ukrainas Volodymyr Zelnskyy u ka kërkuar udhëheqësve dhe bashkësisë ndërkombëtare që “të mos e humbasin vrullin për avancimin e paqes” pas përparimit të bërë në Lindjen e Mesme me marrëveshjen e armëpushimit në Gaza.
“Lufta në Evropë gjithashtu mund të përfundojë”, tha ai, duke shtuar se lidershipi i partnerëve të SHBA-së dhe Ukrainës ishte i “rëndësishëm”. Ai gjithashtu tregoi se kishte kaluar pothuajse një orë duke diskutuar temën me presidentin finlandez Alexander Stubb.
Duke shkruar në X sot, Zelenskyy tha:
Tani, ndërsa lufta në Lindjen e Mesme po mbaron, është e rëndësishme të mos e humbasim vrullin për avancimin e paqes. Lufta në Evropë gjithashtu mund të përfundojë, dhe për këtë, lidershipi i Shteteve të Bashkuara dhe partnerëve të tjerë është me rëndësi të madhe.
Sot, kalova gati një orë duke diskutuar të gjitha këto me presidentin e Finlandës Alexander Stubb. Ne po koordinojmë qëndrimet tona. Është e rëndësishme që Presidenti Trump arriti të zbatojë hapat e nevojshëm për të siguruar lirimin e pengjeve dhe për të ndaluar luftën në Gaza. Pa dyshim, veprimet e duhura nga Shtetet e Bashkuara mund të ndihmojnë gjithashtu në përfundimin e luftës së Rusisë kundër Ukrainës. Ne kemi një vizion përkatës për këtë.
Me Alexin diskutuam gjithashtu sulmet e fundit ruse në sektorin tonë të energjisë dhe nevojën për të forcuar mbrojtjen ajrore. Jam mirënjohës për gatishmërinë për të ndihmuar. Rusisë duhet t’i hiqen mjetet për të vazhduar luftën dhe terrorin e saj – dhe kjo mund të bëhet themeli më i besueshëm për paqen në rajonin tonë.
/Argumentum.al
