Andrea Jung-Grim–[i]
Ndërsa BE-ja përgatit sanksione të reja kundër Rusisë, akoma nuk dihet nëse Putini do të marrë pjesë personalisht në bisedimet paqesore në Stamboll. Ndërkohë janë arrestuar tre persona të cilat nga Gjermania planifikonin sulme në Ukrainë.
Prokuroria federale gjermane lajmëroi se janë arrestuar tre shtetas ukrainas me dyshimin se, me urdhër të Rusisë, kanë planifikuar sulme kundër transportit të mallrave në Gjermani. Konkretisht, synonin që nga Gjermania të dërgonin paketa të adresuara në Ukrainë të cilat duhet të shpërthenin gjatë transportit. Një person është arrestuar në muajin mars në Keln sepse kishte dorëzuar në postë dy paketa në mënyrë që të testonin planet. Dy personat e tjerë janë arerstuar javën e kaluar në Gjermani, ndërsa i treti kësaj të marte (13 maj) në Zvicër.
Ekspertët e sigurisë ka kohë që paralajmërojnë për rrezikun nga spiunazhi dhe sabotazhi rus. Përshembull, qershorin e vitit të kaluar në selinë e postës së shpejtë DHL në Lajpcig ka marrë zjarr një paketë e cila në atë moment duhej të gjendej në një avion. Sikur zjarri të kishte shpërthyer gjatë flutirmit, sikurse duket qartë se ishte planifikuar, mund të kishte ndodhur fatkeqësi ajrore. Shërbimet gjermane të sigurisë supozojnë se ky sabotazh është planifikuar në Rusi.
Përveç kësaj, nënkryetari i zyrës Federale për mbrojtjen e rendit kushtetues, Sinan Selen, paralajmëroi për mbifluturime pothuajse përditë të dronëve mbi objektet ushtarake dhe ato të kompoanive industriale. Supozohet se bëhet fjalë për spiunazh.
BE: sanksione të reja kundër Rusisë
Ambasadorët e shteteve antare të Bashkimit Europian arritën kësaj të mërkure (13 maj) marrëveshjen mbi paketën e 17-të të sanksioneve kundër Rusisë, të cilën javën e ardhshme duhet ta miratojnë ministrat e punëve të jashtme. Marrëveshja, mes tjerash, parashikon zgjerimin e mëtejshëm të masave kundër së ashtuquajturës “flotë në hije” të Rusisë për transportin e naftës dhe derivateve të naftës. Gjithashtu është planifikuar zgjerimi i masave ndëshkimore për dhjetra firma që anashkalojnë sansionet ekzistuese ose mbështesin industrinë luftarake ruse. Sipas marrëveshjes së arritur, ndalimi i hyrjes së portet e Bashkimit Europian, do të zgjerohet edhe për 200 anije të tjera. Rreth 30 objekte ekonomike do të goditen nga kufizimet e reja të eksporteve. Gjithashtu është rënë dakord edhe për 75 individë dhe sipërmarrje të tjera që t’u ndalohet biznesi në BE, dhe ato duhet të llogarisin edhe bllokimin e pasurisë.
Zelenski dyshon në gatishmërinë e Rusisë për bisedime
Presidenti ukrianas Vollodimir Zelenski të martën në mbrëmje (13 maj) përsëriti kërkesën e tij që shefi i Kremlinit Vladimir Putin të marrë pjesë personalisht në përpjekjet për përfundimin e luftës agresive ruse. Putini vendos për gjithçka në Rusi dhe për këtë duhet të vendosë edhe për çështjen e luftës, tha Zelenski në video-mesazhin e tij të darkës. “Kjo është lufta e tij. Prandaj edhe bisedimet duhet të bëhen me të”. Sipas fjalëve të tij, Ukraina në koordinim me partnertët, po përgatitet për takimin në Turqi. Zelenski shprehu dyshimin në gatishmërinë e Rusisë për bisedime. “Rusia flet shumë për bisedime direkte, por kur puna bëhet serioze, ata fshihen”, tha ai.
Sipas deklaratave të ambasadës ukrainase në Turqi, presidenti Vollodimir Zelenski gjatë javës do të udhëtojë për në Ankara. Ai u ka deklaruar më parë se atje më së pari do të takohet me presidentin turk Rexhep Taip Erdogan, dhe pastaj do të vazhdojë udhëtimin për në Stamboll, ku do të duhet të takohet me Putinin.
Rubio udhëton drejt Turqisë
Ministri amerikan i punëve të jashtme Marko Rubio, sipas fjalëve të presidentit amerikan Donald Tramp, kësaj jave udhëton drejt Turqisë për bisedime në lidhje me luftën nmë Ukrainë. “Bisedimet do të mbahen kësaj jave në Turqi, ndoshta të enjten, dhe mund të japin rezultate të mira”, th Trampi të martën në Riad.
Përfaqësuesi i ministrisë amerikane të punëve të jashtme tha se Rubio të premten do të duhet të arrijë në Stamboll. Të enjten do të marrë pjesë në takimin e ministrave të punëve të jashtme të vendeve të NATO-s në Antalija, ku atje që të mërkurën po zhvillohen bisedime joformale. Temë krysore e këtij takimi do të jetë përgatitja e samitit të NATO-s në Hagë, në fund të muajit qershor.
Merc: “Lufta nuk do të përfundojë brenda natës”
Kancelari gjerman Fridrih Marec theksoi të martën se nuk ka iluzione për luftën në Ukrainë. Kjo luftë, tha ai, nuk do të përfundojë brenda një nate as edhe me iniciativat më të reja europiane, por do të vazhdojë ende për një kohë të gjatë, tha ai në takimin e Këshillit Ekonomik, organizëm i afërt me partitë e Unionit (CDU/CSU). “Por sëpaku kemi dërguar një mesazh se qëndrojmë sëbashku”, tha ai në lidhje me vendimin shteteve europiane që të kërkohet nga Rusia ndëprerja e luftimeve. “Qëndrojmë sëbashku në BE, dëshirojmë të mbajmë amerikanët pranë vetes”, deklaroi ai. “Jemi të vendosur të mbrohemi”.
Ministri gjerman i mbrojtjes Boris Pistorijus deklaoi se nuk esh ndonjë dëshirë te presidenti rus Vladimir Putin për të marrë pjesë në bisedime për ndërprerjen e zjarrit në Ukrainë. “Ai në fakt nuk dëshiron të bisedojë, ai dëshiron të vazhdojë me bombardimet, lufton për të arritur përfitime territoriale”, tha Pistorius për ZDF, servisi publik gjerman.
Xi i Lula: “Bisedimet janë e vetmja rrugë për përfundimin e luftës”.
Presidenti e Brazilit Luiz Injacio Lula da Silva deklaroi se dëshiron personalisht ta bindë Putinin për të marrë pjesë në bisedimet mbi mbi Ukrainë të planifikuara për tu mbajtur në Stamboll. Në rrugën e kthimit nga Kina ai do të ndalojë në Moskë dhe do të përpiqet të bisedojë me Putinin, kështu u deklaroi Lula gazetarëve në Pekin.
Në Kinë ai mori pjesë takimin e përfaqësuesve të shteteve latinoamerikane me presidentin kinez Xi Jinping. Me këtë rast Lula dhe Xi, në deklaratën e përbashkët, theksuan se bisedimet janë e “vetmja rrugë” për përfundimin e luftës në Ukrainë.
Sulmet e armatosura vazhdojnë
Ndërsa vazhdojnë përpjekjet diplomatike mbi përfundimin e luftës në Ukrainë vazhdojnë sulmet në terren. Sipas të dhënave të pushtetit ukrainas, më së paku dy persona janë vrarë gjatë sulmeve ruse në zonën e Harkovit në Verilindje të Ukrainës. Një burrë tetëdhjetëvjear dhe një grua shtatëdhjetëvjeçare janë vrarë gjatë bombardimit në fshatin Neçvollodivka në perëndim të Kupjanskit. Përveç zonës së Kupjanksit, është sulmuar edhe Harkovi, qyteti kryesor i zonës. Në sulmin me dronë është goditur objekti energjetik civil, tha presidenti Vollodimir Zelenski në mesazhin e tij të mbrëmjes. Sipas disa të dhënave gjatë sulmeve me dron ka patur edhe të plagosur.
Edhe nga Rusia vinë lajme mbi sulme. Dronët ukrainas, sipas burimeve ruse, kanë plagosur të martën më sëpaku 16 njerëz në zonën e Belgorodit.
[i] https://www.d.com/sr/rat-u-ukrajini-saboteri-u-nema%C4%8Dkoj-%C5%A1ta-je-s-pregovorima/a-72538259
/Përktheu për Argumentum Xhelal FEJZA
