Çfarë na bën evropianë? Kjo është pyetja që ka mbledhur në një panel diskutimi në Shtëpinë e Evropës, së bashku përfaqësues nga shtetet anëtare të BE-së, institucionet shqiptare, akademia, shoqëria civile dhe të rinjtë për të reflektuar mbi vlerat dhe identitetin e përbashkët në një botë në ndryshim.
“Tema e këtij viti, ‘Një hapësirë për të qenë’, i fton të gjithë të shprehin se çfarë do të thotë të jesh evropian përmes muzikës, lëvizjes, imazheve dhe historive. Të jesh evropian do të thotë të përkasësh përtej kufijve kombëtarë dhe të jetosh në një hapësirë ku diversiteti jo vetëm pranohet, por festohet. Java e Evropës është një ftesë për ta parë Evropën në mënyra të reja si një përvojë e përbashkët dhe një moment imagjinate kolektive,” Ambasadori i BE-së Silvio Gonzato.
Diskutimi përfshinte Rektoren e Kolegjit të Evropës Federica Mogherini, Ministrin për Evropën dhe Punët e Jashtme Igli Hasani, Kryenegociatoren Majlinda Dhuka, Ambasadorët e shteteve anëtare të BE-së dhe shoqëria civile, nën moderimin e Prof. Belina Budini.
Nga zgjerimi te solidariteti, nga rezistenca demokratike te përkatësia kulturore, biseda e sotme na kujtoi atë që na bashkon, edhe në kohë sfiduese dhe në kompleksitetin e identiteteve tona.
Kujtojmë se, në kuadër të Javëve Ndërkombëtare Kulturore, që zhvillohet tashmë në vitin e saj të katër, gjatë javës së dedikuar Evropës do të zhvillohen 35 aktivitete nga data 17 deri më 31 maj, ku do të ofrojë një përvojë kulturore të pasur dhe të larmishme, duke e transformuar hapësirën publike në një podium për artin dhe kulturën. Me një program që përfshin muzikë, teatër, art vizual dhe performanca të ndryshme, kjo javë synon të nxisë krijimtarinë, të promovojë diversitetin dhe të mbështesë dialogun mes komuniteteve
Pas një thirrjeje të hapur që tërhoqi më shumë se 200 aplikime, janë selektuar 11 artistë dhe grupe artistike për të marrë pjesë në këtë edicion. Veprat e tyre, që përfshijnë teatër, muzikë, film, ekspozita, performanca dhe art bashkëkohor, ofrojnë eksplorime unike të identitetit, kujtesës, lirisë, dashurisë, pasigurisë dhe përkatësisë.
Projektet e përzgjedhura janë:
- ATA Group, Elsa Demo, Klodian Gjonpalaj – My Song – Teatër
- BERK – The Post-Language Society – Teatër
- Blerta Kambo – Love Is the Same – Arte Vizuale
- Ema Andrea, Aida Talliente, Elvira Boncuore – Lingua Madre – Teatër
- Musica Nova, Harlen Nikolli, Mikaela Minga – Dialogues in Sound – Koncert
- Lorin Terezi – Locally – Dokumentar ndër-disiplinor
- Mardit B. Lleshi – Sonic Circle – Koncert
- Olsi Hoxha – Source of Uncertainty – Ekspozitë Vizuale
- Redina Qose – Where Will the Swallows Go? – Ekspozitë
- Rona Nishliu, Gent Rushi – JALBOZ – Koncert
- was bleibt kollektiv | Gentian Doda – Between Steps and Shadows – Kërcim Bashkëkohor
Këto vepra do të prezantohen në mbi 30 ngjarje kulturore në 9 qytete të Shqipërisë: Tiranë, Kamzë, Shkodër, Durrës, Korçë, Elbasan, Vlorë, Pilur (Himarë) dhe Berat – duke krijuar një hartë kulturore që fton angazhimin dhe reflektimin e publikut.
Përveç performancave dhe ekspozitave, Java e Evropës do të mbajë sesione TalkArts dhe Biseda me Artistë, duke ofruar një platformë për dialog dhe shkëmbim mbi muzikën, filmin, teatrin dhe artet performuese. Këto biseda do të eksplorojnë rolin e kulturës në formësimin e të tashmes dhe imagjinatën për një të ardhme më të mirë.
Programi i plotë: https://www.eeas.europa.eu/…/java-e-evrop%C3%ABs-2025…
/Argumentum.al
