Presidenti turk, Recep Tayyip Erdogan, tha se homologu i tij amerikan, Donald Trump, ka shprehur gatishmërinë për të vizituar Turqinë nëse edhe udhëheqësi rus, Vladimir Putin, pranon të vijë për bisedime paqeje mbi Ukrainën, u tha ai gazetarëve të grupit të tij pas kthimit nga Haga, ku u zhvillua Samiti i NATO-s.
“Qëllimi ynë përfundimtar është të organizojmë një samit udhëheqësish në vendin tonë dhe të arrijmë paqen e shumëpritur”, tha Erdogan. “E informova Presidentin Trump për këtë gjatë takimit tonë në Hagë. Ai deklaroi se nëse Putin vjen në Stamboll ose Ankara për një zgjidhje, ai gjithashtu do të ishte i gatshëm të merrte pjesë. Ne do të fillojmë kontaktet e nevojshme dhe, shpresoj, do ta mbajmë takimin sa më shpejt të jetë e mundur”, citoi agjencia Anadolu të ketë thënë Erdogan.
/Argumentum.al
