Në ndërmarrjen e iniciativave, është thelbësore të kesh një pikëpamje të saktë për performancën politike. Presidenti i Kinës, Sekretari i Përgjithshëm Xi Jinping, theksoi nevojën për të krijuar dhe praktikuar një pikëpamje të saktë për performancën politike të zytarëve, duke iu përmbajtur një qasjeje pragmatike, duke ndjekur parimet e vendosura, si dhe duke u përpjekur me vetëdije për të arritur rezultate për popullin përmes veprimeve konkrete. Fillimi i Planit të 15-të Pesëvjeçar dhe avancimi i detyrave të ndryshme, po vënë në provë pikëpamjet e performancës së anëtarëve dhe kuadrove të Partisë.
Duhet vendosur gjithmonë populli në vendin e parë në zemër
Foto nga CMG 10 shkurt 2026: Xi Jinping inspekton distriktin Xicheng, Pekin.
Shërbimi ndaj njerëzve është arritja më e madhe politike. Kur Xi Jinping punonte në Liangjiahe, Provinca Shaanxi, si i ri, ai besonte fuqimisht në “bërjen e gjërave praktike për njerëzit”. Në Zhengding, Provinca Hebei, ai deklaroi: “Ne do të preferonim të hiqnim dorë nga titulli i ‘Qarkut Kombëtar me Rendiment të Lartë’ sesa t’i linim njerëzit të jetonin një jetë të mirë”. Në Fujian, ai theksoi: “Mbani mend fjalën ‘popull’ para ‘qeverisë'”. Nga betimi i tij se “aspirata e popullit për një jetë më të mirë është qëllimi ynë”, deri tek shqetësimi për të moshuarit dhe fëmijët, nga zhdukja historike e varfërisë absolute tek promovimi i prosperitetit të përbashkët, Presidenti Xi gjithmonë e ka mbajtur mirëqenien e popullit, duke përcaktuar qartë lavdërimet dhe arritjet praktike të popullit, si standard për vlerësimin e performancës.
Foto nga CMG 6 nëntor 2025: Xi Jinping inspekton Sanya-n, Hainan.
Duke u nisur nga realiteti dhe duke vepruar sipas ligjeve
Foto nga CMG 11nëntor 2013: Xi Jinping inspekton fshatin Shibadong, Hunan.
Xi theksoi se çdo gjë që bëjmë ka ligjet e veta të natyrshme dhe duhet të qëndrojmë fort në tokë. Kur punonte në Ningde, Fujian, ai kaloi një muaj duke udhëtuar në të nëntë qarqet për të kuptuar situatën aktuale. Me të mbërritur në Zhejiang, ai së pari kreu kërkime të thella përpara se të diskutonte drejtimet e politikave. Që nga fillimi i epokës së re, nga zbutja e synuar e varfërisë deri te zhvillimi i forcave të reja prodhuese sipas kushteve lokale, të gjitha vendosjet janë bazuar në realitet, duke parandaluar me vendosmëri veprimet dritëshkurtra dhe jorealiste.
Përpjekje të vazhdueshme dhe përgjegjësi praktikeFoto nga CMG 20 janar 2026: Xi Jinping merr pjesë në ceremoninë e hapjes së një kursi trajnimi në Shkollën Qendrore të Partisë (Akademia Kombëtare e Qeverisjes).
Krijimi i një pamjeje të saktë të performancës kërkon përpjekje të qëndrueshme. Duke marrë si shembull përpjekjet për kontrollin e shkretëtirëzimit në Youyu, Provinca Shanxi, Xi inkurajoi kuadrot që të vazhdojnë punën nga një mandat në tjetrin, duke transformuar “tokën e shkretë” në një “oaz të gjelbër në rajonin kufitar”. Ai theksoi se, ndërsa arritja e rezultateve të dukshme është e rëndësishme, është edhe më e rëndësishme të hidhen themelet për arritje afatgjata dhe të qëndrueshme.
Foto nga CMG 20 gusht 2019: Xi Jinping inspekton Jiayuguan-in, Gansu.
Foto nga CMG Peizazhi i qytetit Rizhao, Shandong, maj 2025.
Ndërsa fillojmë rrugëtimin e ri të Planit të 15-të Pesëvjeçar, të gjithë anëtarët dhe kuadrot e Partisë, duke mbështetur një pikëpamje të saktë për performancën politike, duke punuar me zell dhe duke mbetur të bashkuar me popullin, me siguri do të krijojnë një peizazh të ri për modernizimin e Kinës./cgtn
