Me moton “Fuqia dhe roli i gruas në shoqëri”, u zhvillua në Durrës një veprimtari festive në Ditën Ndërkombëtare të Gruas. Shoqata “Së bashku ne mundemi” për mbështetjen e personave me aftësi të kufizuara, në bashkëpunim me Ambasadën e Republikës Popullore të Kinës në Shqipëri për të pestin vit radhazi mundësoi këtë veprimtari. Presidentja e Shoqatës “Së bashku ne mundemi ” Elsa Tasha në fjalën e saj tha se “Gruaja është forca e jetës, ndaj sot do të festojmë së bashku”. Ajo falënderoi kontributin e Ambasadës së Kinës që dhuroi 160 pako me ndihma për gratë me aftësi të kufizuara me rastin e 8 marsit. E pranishme në veprimtari ambasadorja e Kinës Pang Chunxue shprehu kënaqësinë se feston këtë ditë të rëndësishme për të tretin vit radhazi në këtë veprimtari, shoqëruar nga zonjat nga stafi i Ambasadës” . Ajo theksoi se “Gratë kanë luajtur një rol të rëndësishëm në shoqëri. Kombet e Bashkuara i kanë kushtuar rëndësi të veçantë kauzës së grave. Në vitin 1995 Kina priti Konferencën e 4-të Botërore për Gratë të OKB-së, e cila miratoi Deklaratën e Pekinit, duke shënuar një moment historik në kauzën globale të barazisë gjinore. Tetorin e kaluar, Samiti Global i Grave u mbajt përsëri në Pekin, ku presidenti Xi Jinping mbajti një fjalim të rëndësishëm, duke theksuar se gratë janë krijuese, promovuese dhe trashëgimtare të rëndësishme të qytetërimit njerëzor. Promovimi i kauzës së grave është një përgjegjësi e përbashkët e bashkësisë ndërkombëtare”.
Ambasadores Pang Chunxue i akordohet Certifikata e Mirënjohjes/Foto nga CMG
Deputetja socialiste e Qarkut Durrës Etleva Budini/Foto nga CMG
Duke u ndalur tek gratë shqiptare, ambasadorja e Kinës tha se “ato luajnë një rol të rëndësishëm në zhvillimin e vendit dhe shoqërisë. Kina dhe Shqipëria gëzojnë një histori të thellë marrëdhëniesh. Kemi bashkëpunuar me Shoqatën “Së bashku ne mundemi” prej vitesh për të ndihmuar gratë e këtij komuniteti. Në të ardhmen Ambasada kineze do të vazhdojë t’i përkushtohet aktiviteteve për mirëqenien publike, duke bashkëpunuar me qeverinë shqiptare dhe të gjithë sektorët e shoqërisë, për t’u ofruar ndihmë grave me aftësi të kufizuara dhe për të mbështetur përparimin e kauzave të grave shqiptare në shoqëri ” tha ambasadorja Pan Chunxue.
Etleva Budini, deputete e qarkut Durrës, kryetare e Forumit të Gruas Socialiste Durrës falënderoi Ambasadën e Kinës dhe veçanërisht ambasadoren Pang Chunxue për kontributin në mbështetjen e grave në Durrës. Deputetja foli për nismën e saj paraqitur në Kuvend për pagesën e kujdestarit social për njerëzit me aftësi të kufizuara.
Veprimtaria/Foto nga CMG
Ambasadorja e Kinës Pang Chunxue dhe Presidentja e Shoqatës Së bashku mundemi, Elsa Tasha/Foto nga CMG
Shpërndarja e pakove me ndihma/Foto nga CMG
Posteri i veprimtarisë/Foto nga CMG
Në veprimtari përshëndetën aktivistet e Shoqatës Nermin Gjinali, Jorida Kraja, Klementina Meçe, të cilat shpërndanë mesazhe të bashkëpunimit dhe mbështetjes mes grave.
Shoqata “Së bashku ne mundemi” i dorëzoi ambasadores së Kinës në Shqipëri Pang Chunxue një certifikatë mirënjohjeje për kontributin e saj në ndihmë të grave me aftësi të kufizuara në Durrës. Veprimtaria u mbyll me shpërndarjen e kutive me ndihma për persona me aftësi të kufizuara, fotografi dhe urime për 8 marsin në një atmosferë festive e miqësore./cgtn
