Irani ka vendosur gjashtë kushte për t’i dhënë fund luftës me Shtetet e Bashkuara dhe Izraelin.
Irani ka përcaktuar gjashtë kushte strategjike për të ndaluar luftën e tij mbrojtëse kundër SHBA-së dhe regjimit sionist, duke deklaruar se plani po zbatohet në faza dhe nuk pritet një armëpushim i afërt për shkak të zhvillimeve në fushën e betejës.
Zyrtari iranian i sigurisë dhe politikës tha se Republika Islamike po zbaton një strategji të paraplanifikuar të zhvilluar muaj më parë, duke e avancuar atë hap pas hapi me “durim strategjik”, sipas mediave nderkombëtare.
Ai deklaroi se pas shkatërrimit të infrastrukturës së mbrojtjes ajrore të armikut, Irani tani mban kontroll të plotë mbi hapësirën e tij ajrore.
Zyrtari shtoi se, duke pasur parasysh këtë pozicion ushtarak, Irani nuk sheh ndonjë perspektivë të menjëhershme për një armëpushim.
Ai theksoi se Irani do të vazhdojë një politikë të ndëshkimit të agresorit derisa të jepet një “mësim historik” ndaj agresionit SHBA-Izrael dhe Presidentit të SHBA-së Donald Trump.
Ai tha se palët rajonale dhe ndërmjetësit i kanë paraqitur propozime Teheranit për të ndaluar luftën, por Irani ka vendosur kushte që “duhet të merren seriozisht”.
Zyrtari përshkroi gjashtë kërkesat kryesore të Iranit për ndalimin e luftës brenda kuadrit të ri ligjor-strategjik:
- garanci për mospërsëritjen e luftës
- mbyllja e bazave ushtarake amerikane në rajon
- sprapsja e agresionit dhe pagesa e kompensimit për Iranin
- përfundimi i luftës në të gjitha frontet rajonale
- zbatimi i një regjimi të ri ligjor për Ngushticën e Hormuzit
- ndjekja penale dhe ekstradimi i operativëve të medias anti-iraniane.
/Argumentum.al
