Rusia këmbëngul që armët bërthamore amerikane të tërhiqen nga Evropa dhe që e gjithë infrastruktura për vendosjen e tyre në këtë pjesë të botës të çmontohet, tha të martën ambasadori i Ministrisë së Jashtme ruse për çështje të veçanta, Andrey Belousov.
“Duke marrë parasysh mundësinë e shkaktimit të dëmeve në objektet më të rëndësishme të infrastrukturës civile dhe ushtarake në Rusi, armët bërthamore amerikane të vendosura në Evropë konsiderohen si të natyrës strategjike”, deklaroi Belousov, raporton TASS.
“Prandaj, ne këmbëngulim që ato të tërhiqen nga Evropa, të kthehen në Shtetet e Bashkuara dhe e gjithë infrastruktura për vendosjen e tyre në Evropë të çmontohet”, shtoi diplomati.
/Argumentum.al
