Partia Liberal-Demokrate e Japonisë ditët e fundit zhvilloi një mbledhje të përgjithshme dhe miratoi një projekt-propozim të sugjeruar për qeverinë, për të rishikuar “3 dokumentet e sigurisë”. Kjo vjen pas versionit të vitit 2022 të dokumentit të sigurisë, që shënonte një “kalim nga mbrojtja në sulm”, duke e bërë strategjinë e sigurisë së Japonisë më agresive.
Projekti përdor pretekstin “mbrojtja e atdheut” për të justifikuar zgjerimin ushtarak, duke liruar njëherësh armët, buxhetin dhe vendndodhjet, si dhe duke përshpejtuar ndjeshëm ritmin e zgjerimit dhe përgatitjeve për luftë. Kjo tregon se parimi i “mbrojtjes ekskluzive” pas Luftës së Dytë Botërore në Japoni është zhdukur në praktikë, dhe një “militarizëm i ri” është bërë një kërcënim real për rajonin dhe botën.
Të gjitha masat e përfshira në projektin e rishikuar të miratuar, synojnë përgatitje afatgjatë për luftë, ndërhyrje të qëllimshme si dhe përpiqen të fusin gjerësisht zgjerimin ushtarak dhe përgatitjen në sistemin shtetëror, industrinë ekonomike dhe opinionin publik, duke shtyrë politikën e sigurisë së Japonisë në një drejtim më sulmues dhe ekspansionist.
Për shembull, sa i përket buxhetit të mbrojtjes, në këtë projekt nuk përcakton shifra konkrete, por kërkon që të sigurohen fonde të mjaftueshme për “ndryshimin e forcave të mbrojtjes brenda 5 viteve”, si dhe përmend vendet anëtare të NATO-s, Australinë etj., si shembull të rritjes së pjesës së shpenzimeve ushtarake në GDP, duke nënkuptuar që pjesa e shpenzimeve të mbrojtjes së Japonisë, mund të afrohet në intervalin 3% deri 3.5%. Japonia thotë se ka arritur synimin për 2% të GDP-së për shpenzimet e mbrojtjes dy vjet para 2025-s. Buxheti i mbrojtjes për vitin fiskal 2026 tejkalon 9 trilionë yen, ndërsa shpenzimet totale të mbrojtjes për vitet 2023 deri 2027 arrijnë në 43 trilionë yen. Nuk është e vështirë të shihet që rritja e madhe e buxhetit ushtarak të Japonisë është bërë normale.
Nga përmbajtjet e projektit nuk është e vështirë të shihet se strategjia e sigurisë e Japonisë po ndryshon në mënyrë thelbësore, çka tregon që Japonia po heq dorë krejtësisht nga sistemi i paqes pas Luftës së 2-të Botërore.
Nga mohimi i historisë së agresionit të Luftës së 2-të Botërore dhe rezultatet e Gjykatës së Tokios, deri në rritjen e ndjeshme të buxhetit ushtarak dhe në lehtësimin e eksportit të armëve shkatërruese; nga nxitja e ndryshimit të Kushtetutës paqësore, deri tek avancimi i rishikimit të “3 dokumenteve të sigurisë” dhe qëllimi për të ndryshuar “3 parimet jo-bërthamore”, Japonia po e përshpejton rilindjen e militarizmit. Veprimet përkatëse janë të ngjashme me ato që kishte bërë para Luftës së 2-të Botërore ndaj komuniteti ndërkombëtar duhet të mbajë vigjilencë të lartë për këtë.
Japonia thotë me gojë “paqe” dhe “mbrojtje”, por në fakt po vrapon shpejt drejt “rimilitarizimit”. Kjo jo vetëm shkel dokumente të ligjit ndërkombëtar si “Deklarata e Kajros”, trondit rëndë rendin ndërkombëtar pas luftës, dhe kërcënon sigurinë e vendeve fqinje, por në fund do ta fusë edhe vetë Japoninë në rrezik. Këtë herë, u miratua projekti i rishikuar në mbledhjen e Partisë Liberale Demokratike, një sinjal tjetër i rrezikshkëm i “rimilitarizimit” të Japonisë. Komuniteti ndërkombëtar duhet të mbajë duart bashkë, të marrë veprime konkrete dhe kurrë nuk do të lejojë kthimin e militarizimit ushtarak të Japonisë./cgtn
