Eksluzivisht për ARGUMENTUM
Nga Dr.Jorgji Kote
Për këdo që banon në Belgjikë, kur kanë kaluar mbi dy javë pas tërmetit të 26 Nëntorit është tejet prekëse dhe emocionuese të shohë se si kudo në Evropë, bashkëatdhetarët, miqtë dhe dashamirësit tanë, drejtuesit belgë të pushtetit në të gjitha nivelet lokale, federale dhe evropiane janë hedhur në veprime konkrete për të na ndihmuar me të gjitha mënyrat në kapërcimin e pasojave tragjike, materiale dhe financiare. Belgjika merr një theks të veçantë, sepse Brukseli, përveç se kryeqytet i Belgjikës është selia e BE-së, NATO-s dhe shumë organizatave të mëdha ndërkombëtare, veç mbi 500 përfaqësive diplomatike, medias dhe biznesit botëror. Ndaj thonë se « nëse do të dëgjohesh, fol në Bruksel »
Menjëherë pas tërmetit, përfaqësuesit e shteteve antare të BE dhe NATO-s, etj i shprehen ndjenjat e tyre të trishtimit dhe solidaritetit në Librat e Ngushëllimit të çelura në Ambasadën dhe Misionin tonë pranë BE-së, së bashku me përfaqësuesit e komunitetit shqiptar nga të gjitha trojet. Në takimin e tij të datës 5 Dhjetor, Komiteti i Stabilizim – Asociimit me Shqipërinë, pasi dëgjoi me shumë vëmendje ekspozenë e Ambasadores sonë energjike e të kudondodhur Suela Janina shprehu njëzëri solidaritetin me vendin tonë dhe u kërkoi vendeve antare dhe Komisionit Evropian që të përshpejtojnë livrimin e fondeve të nevojshme.
Organet lokale, rajonale dhe federale belge dhe ato evropiane kaluan menjëherë në akte dhe veprime konkrete. Një nga vendimet e para të presidentes së re të Komisionit Evropian, Ursula von der Leylen ishte akordimi i fondit prej 15 Milionë Euro; ky është vetëm fillimi dhe në pritje të Konferencës së Donatorëve në Janar.
Ndërkohë, qeveria belge akordoi ndihmat e para emergjente dhe është duke studiuar situatën e krijuar përpara se të kalojë në akordimin e ndihmës financiare, siç ka vepruar gjithmonë. Ndërkohë, qeveria e Rajonit të Flandrës ( Belgjika ka gjashtë qeveri rajonale dhe atë Federale në krijim e sipër) akordoi para një jave një fond prej 175.000 Euro. Dega e Kryqit të Kuq Shqiptar në Meshelen vazhdon dhe ajo fushatën e saj të grumbullimit të fondeve financiare.Në jug të vendit, kompani të ndryshme në Rajonin e Valonisë po niihen me dëmet dhe pritet të shkojnë në Tiranë në Janar për të parë gjendjen e nevojave në vend.
Shumë aktiv vazhdon të mbetet komuniteti shqiptar me mbi dhjetë shoqatat e tij kulturore në bashkëpunim të ngushtë me pushtetin lokal dhe komunal. Më 28 Nëntor, ditën e Pavarësisë, në një ceremoni solemne në selinë qëndrore të Komunës Saint Gilles në qendër të Brukselit, ku ka një komunitet të madh dhe aktiv shqiptar, me nismën e Shoqatës « Konica » dhe të Drejtuesve të Komunës u mbajt një minutë heshtje në nderim të 51 viktimave të tërmetit, u fol mbi nevojat e shumta dhe u çelen llogari bankare për grumbullim ndihmash. Në Komunën e Kokelbergut vijoi tradita e ngritjes së flamurit por tashmë në gjysëm shtize.
Shoqata studentore Vlera, Eagle Event, Art’harmoni, etj zhvilluan aktivitete të ndryshme ku të pranishmit kontribuan me donacione.
Në krye të kësaj fushate ka qenë dhe mbetet Shoqata Kulturore « Vatra « e drejtuar nga deputeti i Brukselit dhe zv.kryetari i Komunës së Molenbeek, Ahmet Gjanaj. Së bashku me aktivistë dhe shoqata të tjera dhe me komunitetin fetar kanë grumbulluar fonde me mijra Euro, batanije dhe veshmbathje për të prekurit nga tërmeti që tashmë janë dërguar në Atdhe. Kështu kanë vepruar dhe shoqatat e tjera në qytetet Namur, Liezh, Tongeren, etj ku puna vijon.
Nuk mbeten pas dhe bashkëatdhetarët tanë në qytetin e dytë më të madh të Belgjikës, Anversë. Organizata joqeveritare « Vizion Albania » ka një ekip cilësor dhe të përkushtuar, i cili para 10 ditësh çeli një fond ndihmash, ku vazhdojnë të kontribuojnë shumë bashkëatdhetarë por dhe miq e dashamirës të vendit tonë.
Gjithsesi, eventi më i rëndësishëm në Anversë do të zhvillohet më 22 Dhjetor, duke filluar nga ora 15 e deri në mbrëmje. Me mbështetjen e disa sponsorëvedashamirës dhe ndihmesën vullnetare të miqve tanë, në Katedralen » Sint Paulus » në qendër të Anversës do të japin një Koncert Solidariteti 6 soprano të njohura shqiptare bashkë me violincelistin e talentuar Olsi Leka dhe në përfundim një Koktej modest. Të gjitha të ardhurat nga shitja online e biletave dhe donacionet e tjera që do mblidhen deri më 31 Dhjetor do të shpërndahen me transparencë të plotë nga « Vizion Albania » që ka një traditë 10 vjeçare në kiëtë fushë të vlerësuar dhe nga partnerë të huaj. Pavarësisht nga ngarkesa e punëve të përditshme në administratën bankare belge në këtë fund viti, bashkëorganizatorja Ermelinda Hajdari po punon me zell dhe pasion për këtë event që premton të kthehet në model suksesi. Aq më tepër sepse të shtatë artistët e ftuar janë elitarë në Evropë.
Bashkëorganizatorja e këtij aktiviteti, Ana Naqe është soprano dhe soliste e njohur në Operan Mbreterore të Flandrës në Anversë. Sipas kritikës së huaj , ajo i ka hyrë me guxim të madh disiplinave të ndryshme muzikore, falë rregjistrit të gjerë vokal dhe aftësive të mëdha intepretuese në skenë. Ana është aktive kryesisht në shfaqjet operistike, oratorio, recitale këngësh, teatër eksperimental muzikor, hera herës të përziera me krijime të muzikës klasike bashkëkohore në Operan;leterore të Everses dhe gjetkq. Elda Laro, është pianiste e shkëlqyer, punon dhe repititore në Operan gjermane në Berlin. Ajo ka filluar punë aty në vitin 2016, pasi ishte shefe muzike në Teatrin e Mynsterit për tre sezone. Mban lidhje të mira pune me Teatrin e Operas dhe Baletit në Tiranë. Blerta Zhegu e lindur në Tiranë ka filluar po aty aktivitetin muzikor e shoqëruar nga e mirënjohura Nina Mula; ajo ka vijuar trainimin me shumë specializime në konservatorin Claudio Monteverdi” në Bolzano, Itali dhe « Darius Milhaud » në Aix në Provencë, Francë. Pastaj studioi në Operan e Çikagos dhe në Metropolitan në Nju Jork. Veç kësaj, ajo ka marrë pjesë në klasa masteri ku kanë qenë dhe këngëtarë të shquar duke përfshirë Ermonela Jaho dhe Inva Mula. Elbenita Kajtazi e lindur në Mitrovicë ka performuar në disa nga operat më të mëdha evropiane. Në Mars 2018, fitoi Çmimin e Audiencës dhe Çmimin e Tretë të Konkursit të Operas Glyndebourne. Gjithashtu ajo ka fituar Çmimin e Parë në Konkursin „Riccardo Zandonai“ dhe „Spiros Argiris Sarzana Festival“ në Itali më 2014. Elbenita është pjestare e Operas gjermane në Berlin, Aalto-Musiktheater në Essen dhe Operas Shtetërore të Hamburgut me role kryesore. Ajo performon gjithashtu në Opéra National de Bordeaux dhe në Festivalin Operistik të Venecies Olsi Leka, violencelist i talentuar elitar, shef i Orkestrës Mbretërore belge, profesor në Konservatorin Mbretëror Bruksel dhe Anversë. Etleva Shemai Këngëtare operistike, mezzo soprano në Operën e Frankfuhrtit dhe Lira Milla, soprano në Operën e Parisit, të gjitha yjet premtuese.
/argumentum.al/
© 2019 Argumentum
