Ambasada Amerikane në Tiranë ka përshëndetur kualifikimin e kandidatëve të Byrosë Kombëtare të Hetimit.
Nëpërmjet një statusi në Twitter ambasada amerikane shkruan se SHBA-të do të vijojnë që të mbështesin Prokurorinë e Posaçme dhe ata që i përgjigjen thirrjes së detyrës për të luftuar korrupsionin dhe krimin e organizuar.
“Urime dhe fat të mbarë burrave dhe grave që përfunduan me sukses procesin rigoroz të aplikimit dhe tani do të fillojnë trajnimin për Byronë Kombëtare të Hetimit. Shtetet e Bashkuara të Amerikës do të vazhdojnë të mbështesin SPAK-un dhe ata që i përgjigjen thirrjes së detyrës për të luftuar korrupsionin dhe krimin e organizuar në emër të popullit shqiptar”, shkruan ambasada.
Me tej edhe vete Ambasadorja e Shteteve të Bashkuara të Amerikës në Tiranë, Yuri Kim ka përshëndetur lajmin se janë përzgjedhur 28 hetuesit e parë të Byrosë Kombëtare të Hetimit.
Teksa ka shpërndarë mesazhin e ambasadës së SHBA në Twitter, Kim ka dhënë edhe një mesazh lidhur me zhvillimet në sistemin e drejtësisë.
Ambasadorja Kim shprehet ndër të tjera se SPAK po sekuestron pasuri dhe po vendos kriminelët pas hekurave. Ajo thekson se edhe Gjykata Kushtetuese po funksionon dhe Gjykata e Lartë po shqyrton çështje.
“SPAK po procedon më shumë, duke sekuestruar pasuritë dhe duke i vendosur kriminelët pas hekurave; Gjykata Kushtetuese po funksionon; Gjykata e Lartë po shqyrton çështje; vettingu vazhdon. Inspektorët e BKH po trajnohen. Reforma në Drejtësi nuk është e lehtë, e shpejtë ose e përsosur, por po ecën përpara edhe nëse ‘djemtë e këqij’ nuk e duan atë”, shkruan ambasadorja.
<blockquote class=”twitter-tweet”><p lang=”en” dir=”ltr”>SPAK is prosecuting more, seizing assets & putting criminals behind bars; Const Ct is functioning; High Ct is hearing cases; vetting continues. NBI inspectors are training. Justice Reform not easy, quick or perfect, but it’s moving forward – even if the bad guys don’t want it to. <a href=”https://t.co/rDkOG8pnR6″>https://t.co/rDkOG8pnR6</a></p>— Ambassador Yuri Kim (@USAmbAlbania) <a href=”https://twitter.com/USAmbAlbania/status/1377911482529280002?ref_src=twsrc%5Etfw”>April 2, 2021</a></blockquote> <script async src=”https://platform.twitter.com/widgets.js” charset=”utf-8″></script>
Edhe ambasadori i BE-së, Luigi Soreca, e ka përshëndetur certifikimin e 28 kandidatëve për Byronë Kombëtare të hetimit. Në mesazhin e tij në rrjetet sociale Soreca ka nënvizuar se është e rëndësishme të nisë një thirrje e dytë për hetues të BKH.
“Ne mirëpresim përfundimin e procesit të verifikimit për kandidatët e parë për hetuesit të BKH. Urime grave dhe burrave që e përfunduan me sukses! Tani do të fillojnë trajnim të specializuar. E rëndësishme është të filloni një thirrje të dytë për hetues. BE vazhdon të mbështesë SPAK”, shkruan ambasadori Soreca.
<blockquote class=”twitter-tweet”><p lang=”en” dir=”ltr”>We welcome the conclusion of the verification process for the first candidates for🇦🇱NBI investigators. Congratulations to the women and men who successfully completed it!They will now start specialised training.Important to launch a second call ASAP. EU🇪🇺continues to support SPAK</p>— Luigi Soreca🇪🇺 (@LSorecaEU) <a href=”https://twitter.com/LSorecaEU/status/1377918799408726016?ref_src=twsrc%5Etfw”>April 2, 2021</a></blockquote> <script async src=”https://platform.twitter.com/widgets.js” charset=”utf-8″></script>
© Argumentum.
