Ministri i Jashtëm rus, Sergey Lavrov, deklaroi se marrëdhëniet mes Moskës dhe Uashingtonit vazhdojnë të karakterizohen nga probleme të pazgjidhura dhe se deri më tani nuk ka pasur ndryshime konkrete në raportet mes dy vendeve.
“Ne nuk kemi parë asnjë ndryshim real në praktikë”, tha Lavrov gjatë një konference për shtyp, pas ditës së parë të takimit të ministrave të Jashtëm të vendeve të G20-s, që po zhvillohet në Atlanta të Shteteve të Bashkuara, raporton TASS.
Kryediplomati rus paralajmëroi gjithashtu kundër pritshmërive të tepruara lidhur me marrëveshjen për naftën diesel mes Rusisë dhe SHBA-së, duke theksuar se ajo nuk duhet interpretuar si një shenjë e ndryshimit të përgjithshëm të marrëdhënieve dypalëshe.
Deklaratat e Lavrovit vijnë në një kohë kur Moska dhe Uashingtoni kanë vijuar kontaktet diplomatike, por pa sinjale konkrete për një përmirësim të qëndrueshëm të marrëdhënieve.
© 2026 Argumentum
