Ka filluar Forumi i Diplomacisë në Antalya (ADF), i cili këtë vit organizohet për herë të dytë, nën kujdesin e Presidentit të Turqisë, Recep Tayyip Erdoğan dhe mikpritjen e ministrit të Jashtëm të Turqisë, Mevlüt Çavuşoğlu.
Për forumin që Anadolu Agency (AA) është “Partner Global i Komunikimit” në Qendrën e Kongresit NEST në zonën turistike Belek në Antalya është mbajtur ceremonia e hapjes.
Në hapjen e forumit që këtë vit organizohet me temën “Rikodimi i diplomacisë”, do të marrin pjesë presidenti Erdoğan, bashkëshortja e tij Emine Erdoğan, kryetari i Kuvendit të Madh Popullor të Turqisë (TBMM) Mustafa Şentop, zëvendëspresidenti i Turqisë Fuat Oktay, kryediplomati Çavuşoğlu si dhe pjesëmarrës nga 75 vende, përfshirë 17 krerë qeveritarë dhe shtetërorë, 80 ministra, 39 përfaqësues të organizatave ndërkombëtare
Sekretari i Përgjithshëm i OKB-së, Antonio Guterres mori pjesë nëpërmjet video-konferencës në hapjen e forumit.
Fjalimet në hapje u përkthyen në 6 gjuhë, përfshirë në turqisht, anglisht, frëngjisht, spanjisht, rusisht dhe arabisht.
Mbi një e treta e botës po përfaqësohet në Forumin e Diplomacisë në Antalya, tha ministri i Jashtëm turk, Mevlüt Çavuşoğlu, raporton Anadolu Agency (AA).
Ky event ka mbledhur pjesëmarrës nga 75 vende, duke përfshirë 17 krerë shtetesh, 80 ministra dhe 39 përfaqësues të organizatave ndërkombëtare, tha Çavusoğlu në fjalimin e tij të hapjes.
Forumi i Diplomacisë në Antalya, i organizuar nën temën “Rikodimi i diplomacisë”, do të trajtojë sfidat e viteve të ardhshme, tha ai.
“Në vitet e ardhshme, ne do të duhet të trajtojmë rrezikun e shkatërrimit të sistemit post-kolonial në gjithë botën. Kjo do të ishte një katastrofë sepse institucionet dhe mekanizmat ekzistues tashmë nuk janë në gjendje të plotësojnë nevojat tona”, tha Çavusoğlu.
“Për shembull, shpërthimi i konflikteve nuk mund të parandalohet. Dhe ato në vazhdim nuk mund të zgjidhen”, shtoi ai.
Me thellimin e mëtejshëm të pabarazisë globale, ekziston nevoja për të zgjidhur tensionet në zhvillim, për të menaxhuar ndryshimet, për të lehtësuar përshtatjen dhe për të promovuar bashkëpunimin, tha ministri i Jashtëm turk.
Gjithashtu nevojitet “një gjuhë e re dhe një kuptim i ri përmes aftësive digjitale. Ne duhet të përhapim mesazhe në mënyrën më bindëse duke luftuar kundër dezinformimit”, tha më tej ai.
“Por më e rëndësishmja, ne duhet ta vëmë diplomacinë në shërbim të paqes dhe zhvillimit”, u shpreh shefi i diplomacisë turke./Argumentum.al
