Deklarata e Ministrisë së Punëve të Jashtme në lidhje me “referendumet” fiktive të Federatës Ruse në territoret përkohësisht e okupuara të Ukrainës.
Më 23-27 shtator, Federata Ruse organizoi një aksion propagandistik të ashtuquajtur “referendume” në territoret e okupuara përkohësisht të rajoneve Kherson, Zaporizhzhya, Luhansk dhe Donetsk të Ukrainës.
Presioni i ushtruar ndaj njerëzve në këto territore që të plotësojnë disa letra nën tytën e armeve të ushtrisë ruse, është një tjetër krim i Rusisë në rrjedhën e agresionit të saj kundër Ukrainës, i cili shkel rëndë Kushtetutën dhe ligjet e vendit tonë, normat e së drejtës ndërkombëtare dhe detyrimet ndërkombëtare të Rusisë. Ky spektakël nuk pasqyron shfaqjen e vullnetit dhe nuk ka asnjë pasojë as për sistemin administrativo-territorial as për kufijtë të Ukrainës, e njohur ndërkombëtarisht. Ukraina dhe komuniteti ndërkombëtar dënojnë veprime të tilla të Rusisë dhe i konsiderojnë të pavlefshme.
Të gjithë qytetarët e Ukrainës që morën pjesë në organizimin e këtij aksioni së bashku me pushtuesit rusë do të përballën me një dënim të drejtë në përputhje me dispozitat e Kodit Penal të Ukrainës. Autoritetet kompetente të Ukrainës tashmë po marrin masa për t’i evidentuar dhe për t’i vënë para përgjegjësisë.
Ashtu si në rastin e Krimesë ukrainase, rajonet e Luhansk, Donetsk, Zaporizhzhya dhe Kherson mbeten territore sovrane të Ukrainës. Ukraina ka çdo të drejtë të rivendosë integritetin e saj territorial me metoda ushtarake dhe diplomatike dhe do të vazhdojë të çlirojë territoret e pushtuara përkohësisht.
Ukraina nuk do të pajtohet kurrë me as një ultimatum të Federatës Ruse. Përpjekjet e Moskës për të krijuar linja të reja demarkacioni ose për të dobësuar mbështetjen ndërkombëtare ndaj Ukrainës, janë të destinuara të dështojnë.
Duke mbajtur “referendume” fiktive në territoret e pushtuara përkohësisht të Ukrainës, Rusia demonstroi qëllimisht se të gjitha sinjalet e saj të gatishmërisë për negociata, është vetëm një operacion i mbulimit për agresionin e armatosur dhe përpjekje të pafuqishme për të qëndruar në territoret përkohësisht të pushtuara. Rusia vazhdimisht tregon përbuzje për të gjithë ata që u bëjnë thirrje për diplomaci. Ne shpresojmë se vendet përkatëse të nxjerrin konkluzione në lidhje me synimet e vërteta të Rusisë dhe të rrisin mbështetjen e tyre ndaj Ukrainës në luftën kundër agresionit rus dhe të mos e mbulojnë mosveprimin e tyre me aspiratat për të luajtur rolin e paqeruajtësve, për të cilët Rusia nuk i nevojitet. Ukraina u bën thirrje të gjitha shteteve dhe organizatave ndërkombëtare që të dënojnë menjëherë veprimet e paligjshme të Kremlinit në territoret e okupuara përkohësisht të Ukrainës dhe të forcojnë izolimin e Rusisë.
Ukraina i bën thirrje BE-së, NATO-s dhe Grupit të Shtatë që menjëherë të rrisin ndjeshëm presionin mbi shtetin agresor, duke përfshirë sanksionet e reja të ashpra kundër Rusisë, dhe të rrisin ndjeshëm mbështetjen ushtarake të Ukrainës, duke përfshirë sigurimin e tankeve, avionëve luftarakë, automjeteve të blinduara, artileri me rreze dhe pajisje mbrojtëse kundërajrore dhe antiraketë.
Ne u bëjmë thirrje partnerëve tanë t’i demonstrojnë Rusisë se e vetmja përgjigje ndaj përpjekjeve për aneksim, shantazheve dhe ultimatumeve do të jetë rritja e mbështetjes ndaj Ukrainës për fitoren e shtetit tonë ndaj agresorit.
/Argumentum.al
