Presidenti turk Rexhep Tajip Erdogan dhe Papa Françesku folën të enjten në telefon mbi konfliktin mes Izraelit dhe Palestinës dhe përshkallëzimin e shkeljeve të të drejtave të njeriut.
Erdogan, sipas Drejtorisë së Komunikimeve të Turqisë, tha se sulmet e Izraelit ndaj Gazës, të cilat nuk kanë asnjë justifikim në asnjë tekst të shenjtë, kanë arritur në nivelin e një masakre dhe se është e turpshme që komuniteti ndërkombëtar të mbyllë sytë ndaj tyre.
Ai theksoi se të gjitha shtetet duhet të ngrenë zërin kundër kësaj tragjedie humanitare.
Në rajonin që strehon vendet e shenjta të tre feve abrahamike – duke përfshirë besimin e Françeskut – paqja e qëndrueshme mund të arrihet vetëm përmes krijimit të një shteti palestinez të pavarur, sovran dhe gjeografikisht të afërt me kryeqytet Jerusalemin Lindor bazuar në kufijtë e vitit 1967 i tha Erdogan Papës.
Ai theksoi më tej përpjekjet e rëndësishme të Turqisë për të ofruar ndihmë humanitare dhe mjekësore në Gaza dhe u bëri thirrje të gjithëve që të mbështesin në mënyrë aktive këto përpjekje për të siguruar shpërndarjen e pandërprerë të ndihmave për civilët e pafajshëm.
Konflikti në Gaza filloi më 7 tetor kur grupi palestinez Hamas nisi Operacionin Al-Aksa Flood – një sulm i papritur i shumëfishtë që përfshinte një breshëri lëshimesh raketash dhe depërtimesh në Izrael nga toka, deti dhe ajri.
Hamasi tha se inkursioni ishte në hakmarrje për sulmin ndaj xhamisë Al-Aksa dhe dhunës në rritje nga kolonët izraelitë kundër palestinezëve.
Ushtria izraelite më pas nisi një bombardim të pamëshirshëm të objektivave të Hamasit në Rripin e Gazës.
Më shumë se 7,900 njerëz janë vrarë në konflikt, duke përfshirë të paktën 6,546 palestinezë dhe 1,400 izraelitë.
2.3 milionë banorëve të Gazës kanë mbetur pa ushqim, ujë, ilaçe dhe karburant, dhe autokolonat e ndihmave të lejuara së fundmi në Gaza kanë bartur vetëm një pjesë të asaj që nevojitet.
/Argumentum.al
