Nga Eljanos Kasaj
Kryeministri sllovak Robert Fico, i cili po viziton Republikën Popullore të Kinës për përkujtimet që shënojnë 80-vjetorin e fitores në Luftën e Rezistencës së Popullit Kinez kundër Agresionit Japonez dhe Luftën Botërore Antifashiste(1939-1945), tha se e konsideron “një gabim të madh” që krerët e shteteve dhe kryeministrat e shteteve anëtare të Bashkimit Evropian injoruan festimet e “Ditës së Fitores së popullit kinez”.
Në një video të postuar në platformën sociale X ditën e enjte, zoti Fico tha se “disa mund ta kenë interpretuar atë si një demonstrim të fuqisë ushtarake të Kinës, por duhet parë në kontekstin e deklaratave serioze të bëra nga Presidenti kinez Xi”. “Presidenti kinez e bëri shumë të qartë se bota po përballet me një zgjedhje midis paqes dhe luftës dhe se Kina ka vullnetin për të luajtur një rol vendimtar në formësimin e rendit të ri paqësor të botës”, vijoj më tej kryeministri sllovak.
“Sidoqoftë, është e vërtetë se edhe kundërshtarët më ideologjikë të Kinës nuk mund ta mohojnë më zhvillimin e gjithanshëm që ka arritur Kina”, vuri në dukje ai.
Njëkohësisht ai nuk nguroi dhe të kritikonte vendimin e shumicës së vendeve të Bashkimit Evropian-dikur ironikishit aleatë të levizjes nacional-çlirimatre kineze- për të mos qenë pjesëmarrës në ceremoninë përkujtimore në Pekin: “Shpreh edhe një herë keqardhjen time që përfaqësuesit më të lartë të shteteve anëtare të BE-së munguan në një ngjarje kaq globale. Nëse menduan se duke vepruar kështu do të izolonin festimet e Kinës për fitoren në Luftën e Dytë Botërore, ata bënë keqllogaritje, sepse nëse dikush ishte i izoluar sot, ajo ishte BE-ja”.
Kryeministri Fico mbërriti në Pekin të martën për përkujtimet që shënojnë 80-vjetorin e fitores në Luftën e Rezistencës së Popullit Kinez kundër Agresionit Japonez dhe Luftën Botërore Antifashiste(1939-1945), njëkohësisht ai ishte i vetmi udhëheqës pjesëmarrës prej Bashkimit Evropian në celebrimet përkujtimore në Moskë më 9 Maj.
Një numër udhëheqësish të huaj që morën pjesë në përkujtimet e mëdha të Ditës së Fitores në Pekin të mërkurën,duke përfshirë presidentin rus Vladimir Putin, presidentin vietnamez Lương Cường, udhëheqësin koreanoverior Kim Jong Un, presidentin bjellorus Aleksander Lukashenka dhe presidentin serb Aleksandar Vuçiq, kanë vlerësuar organizimin e suksesshëm të ngjarjes dhe kanë theksuar miqësinë e qëndrueshme me Republikën Popullore të Kinës pas paradës me popujt e botës.
/Argumentum.al
