“Shqipëria i është bashkuar listës së vendeve furnizuese, duke dërguar dërgesa të naftës bruto dhe të rafinuar” drejt Izraelit, kështu shprehet z. Kreshnik Osmani, Ekspert i Marrëdhënieve Ndërkombëtare dhe Kryetar i “Levizjes Atdheu” në një postim në rrjetin e tij social Facebook, duke cituar raportin britanik të “Oil Change International“, ndërsa dënon këtë akt, si akt kundër njerëzimit.
Postimi i plotë i z. Kreshnik Osmani:
Me trishtim dhe me keqardhje të madhe u njohëm me raportin britanik te “Oil Change International”, organizata e Mbreterise se Bashkuar e cila njofton se ka gjurmuar 65 ngarkesa me karburant, nga Shqipëria drejt Izraelit dhe se Shqipëria është pjesë e 11 vendeve që furnizojnë Izraelin me Karburant, pavarësisht vendimit të fundit të Gjykatës Ndërkombëtare të Drejtësisë, që pohon se veprimet e Izraelit në Gaza përbëjnë Gjenocid.
Raporti e vë në dukje skemën e shpërndarjes, ku Shqipëria në fakt është e katërta në listë, pas SHBA-ve, Rusisë së Vladimir Putinit dhe Brazilit, si vend që ka furnizuar Izraelin me naftë të rafinuar, e cila kryesisht përdoret për dy qëllime kryesore: Ngarkimin e avionëve luftarakë dhe ngarkimin e buldozerëve. Pra Shqipëria, në një farë mënyrë është bërë palë në vrasjen, bombardimin dhe në zhdukjen masive të popullsisë së pafajshme, të grave dhe të fëmijëve në Gaza.
Lëvizja Atdheu e dënon me ashpersine me te madhe kete akt te turpshem antinjerezor dhe vlereson se marrëdhëniet e mira të Shqipërisë me Izraelin dhe popullin hebre, që burojnë nga historia e mbrojtjes së popullit shqiptar për hebrenjtë nga makineria vrasëse gjenocidale naziste, duhet të shërbejnë për të mbështetur dhe nxitur dialogun, kompromisin dhe përpjekjet për të cuar përpara procesin e paqes në Lindjen e Mesme, të stabilitet afatgjatë dhe ndihmën e procesit të zgjidhjes me dy shtete (tashmë një projekt utopik i parelizueshëm, në kushtet e reja) jo të përdoren për të blerë pushtet për qeveritarët e korruptuar shqiptarë, tek llozhat dhe lobet ndërkombëtare që kontrollojnë fijet e lojës së kombeve, shumë të ndikuara nga lobi izraelit.
Shqipëria ka thyer embargon e NATO-s dhe ka furnizuar me karburant edhe makinerinë vrasëse të Milloshevicit dhe një vend që jep karburant për të vrarë gratë dhe fëmijët e Dardanisë, nuk e ka problem të japë naftë për të vrarë gratë dhe fëmijët në Gaza, por shqiptarët duhet ta dinë dhe të jenë të mirëinformuar cfarë lloj krijesash kanë mbi krye, vëcanërisht megamakineria e propagandës së Edi Ramës, e cila e shpall shpopulluesin e shqiptarëve njëherë si “lider musliman”, njëherë si dashamirës të grave me shami te cilat ai i ka bere pjese te dekorit te afert te kongreseve te sektit te Rilindjes, dhe njëherë si “vëlla” të liderit turk Rexhep Taip Erdogan për të mashtruar elektoratin musliman shqiptar për nevojat e sundimit dhe të spastrimit etnik që po kryen Regjimi i Rilindjes me shqiptarët nëpërmjet shpopullimit vrasës.
Duke u bazuar në të dhënat e publikuara në mars, vendet dhe kompanitë vazhdojnë të ushqejnë makinën e luftës së Izraelit, pavarësisht nga opinioni i Gjykatës Ndërkombëtare të Drejtësisë (ICJ) nga janari, duke deklaruar se Izraeli po kryen në mënyrë të besueshme gjenocid dhe palestinezët në Gaza kanë të drejta të besueshme sipas Konventës së Gjenocidit dhe nga korriku, duke deklaruar se pushtimi i territorit palestinez është i paligjshëm. Ndërsa gjithnjë e më shumë palestinezë vriten në bombardime dhe presioni mbi liderët globalë, përfshirë kandidatët presidencialë të SHBA-së, intensifikohet për t’i dhënë fund gjenocidit, këta furnizues vazhdojnë të mundësojnë dhunën”, theksohet ndër të tjera në raportin e “Oil Change International”.
/Argumentum.al
