Legjenda e basketbollit amerikan, Kobe Bryant ka humbur jetën si pasojë e rrëzimit të helikopterit të tij privat.
Lajmi bëhet i ditur nga TMZ, që zbulon se mjeti fluturues, ku qëndronte Bryant së bashku me katër persona të tjerë është përplasur në Calabasas.
Mediat bëjnë të ditur se i gjithë ekuipazhi ka humbur jetën. Gruaja e tij dhe katër vajzat thuhet se nuk kanë qenë në mesin e personave që ndodheshin në bord.
41-vjeçari, i krahasuar shpesh edhe me Michael Jordan u bë i njohur gjatë kohës te ekipi i NBA, Los Angeles Lakers, ku fitoi pesë kampionate. Bryant luajti për dy dekada me Los Angeles Lakers, si dhe u përfshi në 18 ndeshje me ekipin “All-Star” para se të varte këpucët e tij të basketbollit në prill 2016.
Ai gjithashtu fitoi një çmim “Oscar” për pjesëmarrjen në filmin më të mirë të animuar në vitin 2018, “Dear Basketball”, një film pesë-minutësh i bazuar në një letër dashurie për sportin që kishte shkruar në 2015.
