Ministri për Europën dhe Punët e Jashtme, Igli Hasani priti sot në një takim ministrin e Punëve të Jashtme dhe Tregtisë të Hungarisë, Péter Szijjártó.
Në deklaratën e përbashkët për shtyp, Hasani vlerësoi se kjo vizitë vjen në më pak se 6 muaj pas vizitës së tij në Budapest.
Ministri theksoi kontributin e vyer të ministrit Szijjártó për zgjerimin dhe thellimin e prekshëm të marrëdhënieve tona gjatë këtyre viteve të fundit.
“Përfitova nga rasti ta uroj edhe njëherë për marrjen e kryesisë së BE-së për 6-mujorin e dytë të këtij viti. Punë të mbarë dhe suksese në realizimin e objektivave që presidenca hungareze e radhës ka përcaktuar si prioritetet e veta”, tha ai.
Hasani theksoi se “sot shkëmbyen mendime për bashkëpunimin në çdo fushë nga politika, në ekonomi, nga integrimi europian dhe bashkëpunimi në organizatat ndërkombëtare e shumë aspekte të tjera”.
“Vlerësuam faktin se bashkëpunimi politik mbetet në nivele të larta, i shprehur jo vetëm përmes dialogut të vazhdueshëm por edhe i konkretizuar me vizitat e kryera”, tha ministri Hasani.
Hasani theksoi se “sot shkëmbyen mendime për bashkëpunimin në çdo fushë nga politika, në ekonomi, nga integrimi europian dhe bashkëpunimi në organizatat ndërkombëtare e shumë aspekte të tjera”.
“Vlerësuam faktin se bashkëpunimi politik mbetet në nivele të larta, i shprehur jo vetëm përmes dialogut të vazhdueshëm por edhe i konkretizuar me vizitat e kryera”, tha ministri Hasani.
“Ky bashkëpunim i shkëlqyer politik tashmë është përkthyer në një bashkëpunim ekonomik gjithnjë e më të frytshëm. Një dëshmi e qartë e intensifikimit të marrëdhënieve ekonomike ishte nënshkrimi, i para pak minutash, i Memorandumit të Mirëkuptimit mes Agjencisë Shqiptare të Zhvillimit të Investimeve (AIDA) dhe Agjencisë Hungareze të Promovimit të Eksportit (HEPA). Aktualisht Hungaria është e pranishme në tregun shqiptar si kurrë më parë. Mjafton të përmend disa emra kompanish hungareze si OTP, WizzAir, 4iG etj, të cilat kanë gjetur një terren të volitshëm për aktivitetin e tyre. Dëshira dhe urimi im shkon edhe për kompanitë shqiptare që kanë shprehur ambicien për të operuar në tregun hungarez, ta kryejnë k, ta kryejnë këtë realizim të tyren”, tha Hasani.
Hasani vlerësoi se aktualisht Hungaria është e pranishme në tregun shqiptar si kurrë më parë. “Kompanitë hungareze kanë gjetur një terren të volitshëm për aktivitetin e tyre”, shtoi ai.
“Duke nisur nga kjo ecuri e mbarë, jemi të mendimit dhe inkurajojmë mbajtjen e sesionit të ardhshëm të Komisionit të Përbashkët Ekonomik, i cili mund të trajtojë dhe eksplorojë mundësi të reja bashkëpunimi në fusha me interes të ndërsjellë”, tha Hasani.
Kryediplomati i Shqipërisë, gjatë deklaratës së tij theksoi se një ndër temat qendrore të diskutimit me Ministrin Szijjarto ishte integrimi i Shqipërisë në BE.
“Ne i jemi shumë mirënjohës Hungarisë dhe Ministrit Szijjártó personalisht për mbështetjen e tyre. Hungaria ka qenë dhe mbetet vazhdimisht një avokate aktive e anëtarësimit të Ballkanit Perëndimor në BE, duke e konsideruar zgjerimin e BE-së në këtë pjesë të Europës Juglindore një objektiv strategjik të politikës së saj të jashtme. Fakti që Presidenca aktuale hungareze e Këshillit të Bashkimit Evropian e ka bërë integrimin e Ballkanit Perëndimor një nga prioritetet e saj thelbësore, është treguesi më i qartë i këtij angazhimi”, tha Hasani.
“Do të dëshironim që këtë vizion strategjik lidhur me rajonin dhe peshën gjeopolitike që është krijuar në kushtet komplekse që po kalon kontinenti ynë, ta bënin të tyren edhe disa prej vende të tjera anëtare të BE-së. Vetëm kësisoj afrimi i vendeve tona me Unionin do të fitonte ritmin e duhur dhe do të përparonte pa pengesa shpesh të panevojshme”, u shpreh ai.
“Në fokusin tonë natyrshëm zunë vend edhe situatat e fundit në Ballkanin Perëndimor dhe zhvillimet në rajon. Dialogu, bashkëpunimi ekonomik, tregtar, arsimor e kulturor ndikojnë në pasjen e një rajoni në paqe dhe të orientuar nga mirëkuptimi dhe begatia për qytetarët e vendeve tona”, theksoi Hasani
Në fund, Hasani nënëvizoi se “jemi të angazhuar dhe do të bëjmë gjithçka për intensifikimin e bashkëpunimit në të mirë të dy vendeve e popujve tanë”.
Szijjártó: Shqipëria e meriton plotësisht të nisë procesin e anëtarësimit në BE
Ministri i Punëve të Jashtme dhe Tregtisë të Hungarisë, Péter Szijjártó deklaroi sot se “Shqipëria i ka përmbushur të gjitha kërkesat që kanë të bëjnë me procesin e anëtarësimit dhe mendojmë se Shqipëria e meriton plotësisht të fillojë procesin e anëtarësimit në Bashkimin Europian”.
Në deklaratën e përbashkët për shtyp me ministrin për Europën dhe Punët e Jashtme të Shqipërisë, Igli Hasani, ministri Szijjártó tha se “për këtë arsye këtë vit Hungaria do të organizojë në Bruksel dy mbledhje të nivelit të lartë ndërmjet Shqipërisë dhe vendeve anëtare të Bashkimit Europian, ku do të diskutohet për kapitujt dhe hapat sidomos sa i përket tre kapitujve të parë dhe cilët duhet të jenë qëllimet që duhet të arrihen nëpërmjet këtyre kapitujve lidhur me anëtarësimin e Shqipërisë në BE”.
“Çdo vonesë e tepërt është kundër të gjithë ne dhe BE-së dhe kjo gjë jo vetëm është në dëm të interesave tona të përbashkëta , por dëmton edhe kredibilitetin e BE-së lidhur me të gjithë anëtarët e saj. Për këtë arsye mendojmë se qëllimi ynë kryesor është hapja e tre kapitujev të parë sai përket anëtarësimit të Shqipërisë në BE”.
Përsa i përket presidencës tonë në Bashkimin Europian, theksoi Szijjártó, siç e dini shumë mirë fakti që Hungaria është në presidencën e radhës nuk është diçka që bën të lumtur të gjithë vendet anëtare të BE-së, pasi po përjetojmë disa situata ku Evropa vetë duhet të përballet me sfidat, për të cilat sa kemi kuptuar, nuk kanë gjetur akoma përgjigje, pasi nuk do të ishin më në këtë gjendje”.
“Kapaciteti komercial i Europës ka rënë kohët e fundit dhe Hungaria mendon se ilaçi më i mirë për këtë sëmundje që po përjeton Europa kohët e fundit është pikërisht zgjerimi duke përfshirë edhe vendet e Ballkanit Perëndimor”, tha ai.
Ministri Szijjártó tha se “Europa ka nevojë për energji të reja , për hov të ri, rinovim dhe këto janë gjëra që ne mendojmë se mund të vijnë vetëm nëpërmjet Ballkanit Perëndimor”.
Ne hungarezët, vijoi ai, jetojmë pranë Ballkanit Perëndimor , jemi fqinjët tuaj dhe sigurisht është edhe interesi ynë që paqja, zhvillimi dhe stabiliteti të jenë karakteristikë e Ballkanit Perëndimor.
“Mendojmë që zgjerimi i Ballkani i Perëndimor do të ishte mjeti i përkryer për ta arritur këtë qëllim, por sot nuk është diçka e ekzagjeruar të themi se BE ka më tepër nevojë për vendet e Ballkanit Perëndimor sesa anasjelltas. Për këtë arsye Hungaria është një nga mbështetësit më të flaktë të zgjerimit të BE-së dhe është pikërisht një nga qëllimet tona të kemi arritje në këtë fushë dhe të nisim procesin e zgjerimit”, nënvizoi Szijjártó.
Ministri Szijjártó vlerësoi edhe bashkëpunimin tregtar mes dy vendeve.
“Kemi pasur arritje gjigande sepse kemi tejkaluar rekordin e marrëdhënieve të tregtisë mes Shqipërisë dhe Hungarisë sa i përket vitit të kaluar edhe bashkëpunimit në fushat ekonomike”, tha ai.
/Argumentum.al
