Zëvendësministrja Ekonomisë, Kulturës dhe Inovacionit, Olta Manjani zhvilloi në Pekin, Kinë një takim me Ambasadorin e Shqipërisë në Kinë, Riza Poda, në kuadër të pjesëmarrjes në Forumin e Nivelit të Lartë Summer Davos – World Economic Forum 2025 në Tianjin.
Manjani e vlerësoi këtë takim, një mundësi të mirë për të shkëmbyer mendime mbi zhvillimet ekonomike globale.
“Diskutuam mbi rëndësinë që ka për Shqipërinë përfshirja aktive në platformat më të rëndësishme ndërkombëtare të dialogut ekonomik dhe politik”, tha ajo.
Manjani vuri në dukje se përfaqësimi dhe angazhimi i Shqipërisë në forume të tilla është thelbësor për të forcuar praninë e Shqipërisë në arenën globale.
“Ne synojmë nxitjen e partneriteteve strategjike dhe për të sjellë më shumë mundësi zhvillimi në sektorët prioritarë të ekonomisë së vendit tonë”, tha Manjani.
Forumi i Davosit 2025 mbahet nga data 24 deri më 26 qershor në Bashkinë Tianjin të Kinës veriore.
Forumi i Davosit Veror i këtij viti ka temën “Sipërmarrja në Epokën e Re” dhe pritet të mbledhë rreth 1,800 pjesëmarrës nga mbi 90 vende dhe rajone
