Prof. Dr. Enver Bytyçi
“Urime Kryeministrit Edi Rama dhe të gjithë ministrave për marrjen e detyrës. Me një përpjekje të qëndrueshme për të miratuar dhe zbatuar reformat e nevojshme përmes proceseve transparente dhe gjithëpërfshirëse, Shqipëria mund të arrijë objektivin ambicioz për të mbyllur negociatat e anëtarësimit në BE deri në fund të vitit 2027”, thuhet në deklaratën e Delegacionit të BE-së në Shqipëri!
Sa probleme e të pavërteta ka në këtë deklaratë?
Së pari, injorohet manipulimi i zgjedhjeve të 11 majit. Nuk respektohet as raporti paraprak i vëzhguesve të OSBE-ODHIR dhe ai i vëshguesve të Këshillit të Europës. Këto raporte thonë qartë se “Beteja elektorale ishte midis shtetit dhe opozitës”! Mjafton ky paragraf ose kjo fjali dhe zgjedhjet të bien. Delegacioni i BE-së jo vetëm e injoron këtë fakt, por në mënyrë cinike u shet shqiptarëve përrallat rilindase të Edi Ramës.
Së dyti, ky delegacion qëllimshëm uron kryeministrin dhe “gjithë ministrat”. Sepse dëshiron t’u thotë shqiptarëve se Diella është një gjetje jo vetëm normale, por edhe “novatore” e kryeministrit Edi Rama. Pra delegacioni mbron një akt anti-kushtetues, sepse sipas kushtetutës ministrat duhet të jenë njerëz të aftë të përgjigjen para ligjit. Kjo do të thotë se Delegacioni i BE-së ka harruar marrshin në indietro dhe po na çon të gjithë neve drejt greminës e jo drejt Bashkimit Europian.
Së treti, ky delegacion megjithëse është i vetëdijshëm se negociatat nuk përmbyllen as deri në vitin 2037, jo më në vitin 2027, sërishmi këmbngul të kundërtën. Citon gënjeshtrën e madhe të kryeministrit. Vetëm lëvizjet e fundit të kryeministrit për të heq autonominë lokale të pushtetit vendor mjaftojnë që negociatat të ngrihen dhe të shuhen. Këtë fakt e di ambasadori i BE-së, por mesa duket është korruptuar nga Edi Rama dhe bën avokatin e kryeministrit. Na rrëfen si suksese sjelljet anti-demokratike të kreut të qeverisë shqiptare.
Së katërti, Delegacioni I BE-së në Tiranë duket se është shumë i kënaqur që kryeministri urdhëron kreun e parlamentit të mbyllë seancën parlamentare në dhunim të opozitës duke imponuar legjislativin në Shqipëri. Kjo do të thotë se ai është i lumtur që ne kemi një kryeministër, i cili dikton, imponon dhe urdhëron me arrogancë vendimmarrjen e pushteteve të pavaruara, në këtë rast të parlamentit. Eshtë i kënaqur që kryeministri i Shqipërisë dhunon opozitën dhe tallet me shqiptarët. Në këtë rast kreu i këtij delegacioni tregon se ka humbur rrugën në oborrin e selisë së vet.
A mundet që kjo të jetë edhe vetë pasqyra e Bashkimit Europian?! Po ta vesh re Marta Koss, atëherë mund të them se edhe BE është në qorrsokak dhe nuk di se çfarë thotë e çfarë bën, sidomos kur është fjala për Shqipërinë e qeverisur me autoritarizëm të tejskajshëm nga një sharlatan pervers, si Edi Rama. Ndoshta kemi të bëjmë edhe me atë që perversët janë përzgjedhur të merren me Shqipërinë!
/Argumentum.al
