Robert Bajrushi-[i]
Mbasi kritikoi Ukrainën për dy vite rresht, ngriti në qiell fuqinë dhe forcën e rusëve dhe paralajmëroi se Shtetet e Bashkuara do të tërhiqen nga konflikti mes tyre, presidenti amerikan Donald Trump befas u rimendua dhe ndryshoi plotësisht rrëfimin. Tani- sipas logjikës së këtij 79-vjeçari me aftësi të dyshimta logjike – ukrainasit janë në prag të fitores, ndërsa Rusia para kolapsit.
“Mendoj se Ukraina, me mbështetjen e Bashkimit Europian, është në pozitë të luftojë dhe të pushtojë tërë Ukrainën në formën e saj fillestare. Me kalimin e kohës, durimin, financimin dhe mbështetjen e Europës, e në mënyrë të veçantë të NATO-s, kufinjtë burimorë nga ku nisi kjo lufta janë obsion shumë i mirë”, shkroi Trumpi dhe shtoi se Vladimir Putini dhe Rusia janë “në probleme të mëdha ekonomike”.
“Rusia lufton pa qëllim që prej tre vitesh në një luftë e cila fuqisë së vërtetë ushtarake i duhen më pak se një vit për t’i fituar. Për këtë duken si tigër prej letre. Kur njerëzit jetojnë në Moskë dhe në të gjithë qytetet e mëdha, vende dhe lokalitete në mbarë Rusinë e dinë mirë se çfarë po ndodh me këtë luftë, e njohin faktin se për ata është pothuajse e pamundur të furnizohen me benzinë pas radhëve të gjata që krijohen, dhe të gjithë gjërat e tjera që ndodhin në ekonominë e luftës, ku shumica e parave shpenzohen në në luftën kundër Ukrainës, e cila ka shpirt të madh i cili vetëm përmirësohet, Ukraina do t’a rimarrë territorin e saj në formën burimore dhe kushedi, ndoshta edhe më shumë se kaq! Putini dhe Rusia janë në probleme të mëdha ekonomike”, deklaroi ai në Truth Social.
Trumpi konkludoi se “kjo është koha që Ukraina të veprojë”. “Gjithsesi, u dëshiroj çdo të mirë që të dy vendeve. Do të vazhdojmë të furnizojmë NATO-n me armë në mënyrë që me to të bëjnë çfarë të duan. Lumturi të gjithëve”, deklaroi presidenti amarikan i paparashikueshëm i cili vetëm disa orë më parë, në fjalimin e rastit u tall me efektivitetin e OKB-së, ndryshimet klimatike i shpalli “mashtrim”, vendeve europiane i këshilloi se dalngadalë po shkojnë në djall, ndërsa aleatët e NATO-s se “po trupërohen duke blerë naftën ruse”.
Kreu ukrainas Vollodimir Zelenski e quajti deklaratën e Trumpit sipas së cilës Ukraina do t’i rimarrë territoret e pushtuara si një sinjal shumë pozitiv. “Po, ishte një befasi e vogël për mua, por gjithsesi pashë një sinjal shumë pozitiv se Trumpi dhe Amerika do të jenë përkrah nesh deri në fund të luftës. Të shohim, Zoti do t’a bekojë”, tha presidenti i Ukrainës.
Nga Moska vinë reaksione të pritshme. Zëdhënësi i Kremlinit Dimitrij Peshkov tha se Rusia është ari, dhe jo tigër dhe shtoi: “Nuk ekziston ari prej letre”. Duke komentuar deklaratën e Trumpit sipas së cilës Ukraina do t’i rimarrë të gjithë territoret e pushtuara nën kontrollin e saj, Peshkovi tha se “forcat ruse përparojnë në të gjithë fushëbetejat në Ukrianë” dhe shtoi se “dinamika e luftës është e qartë”.
E vërteta është ndryshe, problemet ekonomike në Rusi janë bërë gjithnjë e më të rënda, ndërsa po shpërthen edhe kriza për lëndë djegëse, edhe përkundër burimeve të stërmëdha të naftës. Por, për shkak të sulmeve të dronëve ukrainas kundër infrastrukturës energjetike ruse rafinimi i naftës për disa ditë u zvoglua deri në një të pestën. Eksporti nga portet kryesore gjithashtu është ulur, gjë që bën që Moska t’i afrohet zvoglimit të prodhimit të naftës, ndërsa pikat e karburantit të Rusi shpesh herë kanë mungesa nafte, në mënyrë të veçantë ato jashtë qyteteve të mëdha, madje disa prej tyre edhe është dashur të mbyllen. Krahas kësaj, të mërkurën Ministria e financave paraqiti për shqyrtim planin e buxhetit federativ për vitin 2026 dhe paketën e projekt ligjeve përkatëse, të cilët parashikojnë rritje të taksës për vlerën e shtuar (TVSh) nga 20 në 22 përqind, me shpjegimin se rritja e takës “është e domosdoshme për financimine mbrojtjes dhe sigurisë”.
Ndërsa kur bëhet fjalë për situatën e luftës, senatori dhe komandanti i njësisë së ushtrisë ruse Dmitrij Rogozi shpalli “qorrsokak” në front sepse ushtria ruse dhe ukrainase kanë arritur barazi në forca dhe pajisje, gjë që e bën prakitiskisht të pamundur përparimin. Të gjitha pajisjet në një rreze prej 20 kilometër nga vija e fronit janë shkatërruar, ndërsa këmbësoria është gjithashtu e dukshme dhe e ekspozuar nga sulmet.
“Dje jam kthyer nga posti im i komandës. Atje kam kamera plazëm dhe shoh pamjet e dronëve tanë. Ja, është djegur gjithçka në Stepengorsk (në zonën e Zaporizhjes), fushat përreth janë të zhveshura, rripat me pyje janë zhdukur. Edhe sikur të shfaqej ndonjë lepur mund t’a shihja, e lëre më pastaj ndonjë njeri. Epo si do të mund të lëvizim me këtë rrugë, dhe çfarë përfitimi kemi? Po pajisjet, janë hedhur në erë sepse shpesh janë të minuara, edhe te ne edhe te ata”.
Nga të gjitha sa më sipër gjithsesi nuk rrjedh se Amerika do të bëhet aleati kryesor i Ukrainës, si në erën e presidentit Joe Bajden. The Telegraph shtron pyetjen nëse vërtetë presidenti amerikan është i lodhur me Vladimir Putinin. Përgjigja: “në vend që të premtojë mbështetje të re për Ukrainën ose të përfshihet në aksione kundër Rusisë, duket se Trumpi po i’a dorëzon gjërat Europës dhe NATO-s. Nuk ka propozime për mbështetje shtesë për Ukrainën ose që të ndëshkojë akoma më shumë Moskën. Detyrimi i vetëm i tij është të vazhdojë shitjen e armëve te aleatët. Mbasi e solli Putinin në Alaskë dhe e vendosi në qendër të bisedimeve, Trumpi mësoi një leksion të vështirë: përfundimi i luftës është i vështirë. Tingëllon se kjo është mjaft për të”, parashikon The Telegraphi.
Edhe disa media ukrainase mendojnë se është i mundur frustrimi i Trumpit me pamundësinë e përfundimit të luftës, se incidentet me avionë dhe dronë që fluturojnë mbi vendet europiane kanë luajtur një rol me rëndësi në radikalizimin e tij verbal. Putini i ka ribërë llogaritë sepse me sa duket ka konstatuar se asgjë nga këto nuk është në përfitim të Rusisë. Por, duke gjykuar nga ajo që ka shkruar, Trumpi ka qënë i bindur se Moska po e humb luftën dhe se është para kolapsit ekonomik për shkak të sanksioneve dhe sulmeve ukrainase kundër rafinerive të naftës.
“Megjithatë, ekziston një nuancë kyçe. Trumpi theksoi se Ukraina mund të arrijë fitoren me ndihmën e Bashkimit Europian. Presidenti amerikan nuk e përmendi ndihmën amerikane për Kievin në lidhje me këtë çështje, por përmendi furnizimin me armë amerikane nëpërmjet NATO-s. Kjo qartësisht ka të bëjë me mekanizmin tashmë të vendosur nëpërmjet të cilit vendet e NATO-s blejnë armë nga Uashingtoni me paratë e tyre dhe pastaj i kalojnë ato në Ukrainë”, kujton portali ukrainas “Strana”.
Për këtë logjika e Trumpit duket pak a shumë e tillë: “Meqënëse lufta nuk mund të ndalohet shpejt, duhet të përfitojmë prej saj. A dëshiron Zelenski të vazhdojë luftën? A i beson ai forcave të tij? Në rregull. Le të luftojë sa të ketë qejf. Kryesorja është që europianët të vazhdojnë të blejnë armë nga amerikanët dhe që ShBA-të të mos shpenzojnë para. Sanksione kundër Rusisë? Është plotësisht e mundshme t’i vendosim nëse europianët bëjnë të njëjtën gjë, refuzojnë naftën dhe gazin rus për naftën dhe gazin amerikan dhe njëkohësisht i bëjnë presion Kinës dhe Indië të bëjnë të njëjtën gjë. BE-ja këtë nuk dëshiron t’a bëjë? Atëherë do të rimendojmë për këtë. Ndërkohë vetëm do të fitojmë, do t’i vëzhgojmë porceset duke qëndruar mënjanë dhe do të presim që Putini të kërkojë marrëveshje. Megjithatë, në këto kushte, edhe Rusia nuk është në gjendje të ndërmarrë hapa drastikë në mënyrë që të tregojë se nuk është “tigër prej letre” dhe detyrimisht do të bisedojë me të sipas kushteve të saj”, paralajmëron Strana.
[i] https://www.jutarnji.hr/vijesti/hrvatska/donald-trump-iznenada-podrzao-ukrajinsku-pobjedu-i-predvidio-ruski-kolaps-15625868?cx_linkref=jl_home_g1
/Përktheu për Argumentum Xhelal FEJZA
