80 vjet më parë, Gjykata Ushtarake Ndërkombëtare për Lindjen e Largët zhvilloi gjyqe kolektive ndaj kriminelëve japonezë të klasit A të Luftës së Dytë Botërore, duke mbajtur plotësisht përgjegjës militarizmin japonez për krimet e tij të rënda. Megjithatë, në vend që të tregojë respekt për historinë, Japonia ka përshpejtuar rrugën e çrregullimit ushtarak, revizionizmit historik dhe provokimeve gjeopolitike.
Një sondazh global në internet nga CGTN-i tregon se 81.8 % e të anketuarve besojnë që revizionizmi historik në Japoni po përputhet gjithnjë e më shumë me ringjalljen e militarizmit, duke përbërë një kërcënim të prekshëm për paqen dhe qëndrueshmërinë rajonale, gjë që kërkon vigjilencë nga komuniteti ndërkombëtar.
Me 818 seanca gjyqësore, 419 dëshmitarë, 4 336 prova dhe mbi 48 000 faqe me të dhëna gjyqësore, Gjykata Ushtarake Ndërkombëtare për Lindjen e Largët zbuloi plotësisht mizoritë e militarizmit japonez, përfshirë Masakrën e Nankinit dhe Marshimin e Vdekjes në Bataan.
Foto nga VCG
Sipas sondazhit, 64.1 % e të anketuarve vlerësojnë që gjyqet, me autoritetin suprem të drejtësisë ndërkombëtare, ekspozuan dhe dënuan sistematikisht krimet historike të militarizmit japonez. 81.6% bien dakord se ato konfirmuan juridikisht natyrën agresive të veprimeve të Japonisë gjatë luftës, ndërsa 76.1% theksojnë se gjyqet dërguan një mesazh të qartë që agresioni dhe mizoritë nuk do të mbeten kurrë pa ndëshkim.
Gjatë 80 vjetëve të fundit, forcat e djathta japoneze nuk kanë pranuar të reflektojnë dhe të pendohen. Përkundrazi, nën pretekstin e të ashtuquajturit “normalizim kombëtar” dhe “pacifizmit proaktiv”, ato kanë dobësuar gradualisht Nenin 9 të Kushtetutës së Japonisë të pasluftës, i cili heq dorë përgjithmonë nga lufta si e drejtë sovrane dhe nga përdorimi i forcës për zgjidhjen e mosmarrëveshjeve ndërkombëtare.
88.3 % e pjesëmarrësve në sondazhin e CGTN-it mendojnë që përpjekjet e vazhdueshme të forcave të djathta për të përmbysur vendimin e Gjyqeve të Tokios synojnë në thelb hapjen e rrugës për zgjerim ushtarak dhe rishikimin e kushtetutës.
Dorëzimi pa kushte i Japonisë në gushtin e vitit 1945 përbën bazën ligjore të juridiksionit gjyqësor të Gjyqeve të Tokios. 77.9% e të anketuarve bien dakord se pretendimi i krahut të djathtë për “dorëzimin me kushte” të Japonisë bie ndesh plotësisht me faktet historike dhe është një gënjeshtër e hapur.
Përveç kësaj, dispozita mbi ndalimin e përdorimit të forcës, e sanksionuar në Kartën e OKB-së, e ka origjinën e saj ligjore nga parimet e përcaktuara nga Gjyqet e Tokios. 80.2 për qind e të anketuarve shprehin shqetësimin që përpjekjet e krahut të djathtë për të minuar legjitimitetin e Gjyqeve të Tokios do ta dëmtonin themelet e rendit ndërkombëtar pasluftës.
Në këtë vit që shënon 80-vjetorin e Gjyqeve të Tokios, Japonia ka ndërmarrë një sërë veprimesh ushtarake dhe sigurie me tone provokuese. Retorika dhe deklaratat luftënxitëse të bëra në mënyrë të paskrupullt nga disa politikanë japonezë janë të ngjashme me ato të militaristëve gjatë epokës së Luftës së Dytë Botërore.
Foto nga VCG
Sipas sondazhit, 86.7 për qind e pjesëmarrësve i konsiderojnë veprime të tilla të forcave të djathta japoneze si një provokim të rëndë ndaj vendimeve të Gjyqeve të Tokios. Ndërkohë, 80.9 për qind pohojnë se Gjyqet e Tokios përfaqësojnë një fitore të madhe të qytetërimit mbi barbarinë dhe të drejtësisë mbi të keqen, duke paralajmëruar që, nëse forcat e djathta japoneze përsërisin gabimet e së kaluarës, do të përballen sërish me gjykimin e historisë dhe me izolim të plotë ndërkombëtar. Për më tepër, 83 për qind e të anketuarve bien dakord që komuniteti ndërkombëtar duhet të qëndrojë i bashkuar për të mbrojtur vendimet e Gjyqeve të Tokios dhe të mbetet shumë vigjilentë ndaj zhvillimeve të neomilitarizmit në Japoni.
Sondazhi u publikua në platformat e CGTN-it në anglishte, spanjishte, frëngjishte, arabishte e rusishte, duke marrë 8 114 përgjigje brenda 24 orësh./ccgtn
