Në tetë javët e fundit, “Kimi K3” ka thyer rekordin global për parametrat e modelit me burim të hapur, “DeepSeek-u” ka realizuar përmirësimin e ndjeshëm të aftësive të agjentëve të modelit përkatës të tij dhe “Qwen” i “Alibaba”-s deklaroi se do të hapë parametrat e veta më të mëdha të modelit … Inteligjenca artificiale e Kinës po tregon kësisoj një prirje zhvillimi të jashtëzakonshëm me përparime të shumta. Ky është një mikrokozmos i gjallë i “inovacionit në shkallë të gjerë” të Kinës, i cili nuk ka të bëjë më vetëm me përparime, por edhe me formimin e një aftësie sistematike që mund të replikohet, promovohet dhe zbatohet.
Sot “inovacioni në shkallë të gjerë” është bërë fokusi i transformimit industrial global. Besohet gjerësisht se Kina, duke u mbështetur në tregun e saj super të madh, sistemin e plotë industrial, aftësitë efikase të transformimit dhe ekosistemin e hapur të bashkëpunimit, i ka ofruar botës njohuri të vlefshme mbi këtë çështje kyçe. Nga suksesi global i robotikës, inteligjencës artificiale dhe barnave inovative, deri te zhvillimi i përshpejtuar i teknologjive të tilla si informacioni kuantik, qarqet e integruara dhe bashkimi bërthamor, seria e arritjeve inovative të Kinës ka tërhequr vëmendje të gjerë globale. Renditja e fundit e Treguesit të revistës “Nature” tregon se, bazuar në të dhënat e vitit 2025, pjesa e Kinës në kontributet e kërkimit shkencor u rrit në 52735.17, duke u renditur e para në botë.
Risia mishëron kërkimin e pandërprerë të njerëzve për një jetë më të mirë. Nga dërgimi i kondicionerëve dhe “mrekullive të tjera të ftohjes verore” në Evropë, te shitjet në rritje të automjeteve me energji të re në Korenë e Jugut, Australi, Azinë Juglindore dhe rajone të tjera e te krijimi i barnave inovative që ulin ndjeshëm kostot e trajtimit, inovacioni kinez po bëhet global, duke u lejuar më shumë vendeve të ndajnë frytet e zhvillimit. Duke marrë si shembull barnat inovative, në gjysmën e parë të këtij viti, vlera e transaksioneve të licensimit të barnave inovative kineze jashtë vendit arriti në afërsisht 110 miliardë dollarë amerikanë, duke përbërë 80 % të vlerës së përgjithshme për të gjithë vitin e kaluar dhe duke vendosur një rekord të ri historik.
Foto nga CMG
Ajo që është edhe më e lavdërueshme është se, mes rritjes së proteksionizmit, Kina mbetet e përkushtuar ndaj hapjes e përfshirjes, duke punuar krah për krah me vendet e tjera për të ndërtuar një ekosistem inovacioni me dobi të ndërsjellë dhe me përfitime të përbashkëta. Për shembull, në fushën e inteligjencës artificiale, Kina u mundëson më shumë vendeve të kenë qasje dhe të përballojnë financiarisht teknologji e produkte të reja, duke hapur burimet e modeleve të inteligjencës artificiale me kosto të ulët e në shkallë të gjerë, duke mbështetur gjuhët lokale dhe duke kryer forcimin e kapaciteteve. Kështu, vendet e Jugut Global mund të rrisin aftësitë e tyre të zhvillimit. Aktualisht, shkarkimet e modeleve të inteligjencës artificiale me burim të hapur të Kinës i kanë tejkaluar 10 miliardë në nivel global, duke u renditur në vendin e parë në botë. Objektet shkencore në shkallë të gjerë të Kinës, të tilla si ato për bashkimin bërthamor të kontrolluar dhe teknologjinë kuantike, janë të hapura për botën, e stacioni hapësinor “Tiangong” së shpejti do të mirëpresë astronautët e huaj. Studiuesi nga Zimbabve, Derek Gotto, komentoi që masat pragmatike të Kinës, nga trajnimi bashkëpunues i talenteve vendore deri te promovimi i zhvillimit të përbashkët teknologjik, i kanë dhënë Afrikës shpresë për ngushtimin e hendekut digjital dhe për ndarjen e përfitimeve të teknologjisë./cgtn
