Alternativa e ekstremit të djathtë për Gjermaninë (AfD) propozoi një platformë solide antiBE përpara zgjedhjeve federale në shtator.
“Ne besojmë se dalja e Gjermanisë nga Bashkimi Europian (Dexit) dhe krijimi i një grupi të ri ekonomik dhe europian të interesit është i domosdoshëm”, theksoi partia në një rezolutë të sjellë nga rreth 400 nga 600 delegatët në kongresin e partisë në Dresden.
Partia Alternativa për Gjermaninë do e ketë pjesë të axhendës elektorale nxjerrjen e vendit nga Bashkimi Europian.
400 nga 600 delegatët e partisë gjermane të ekstremit të djathtë votuan të dielën tezat me të cilat do të konkurrojnë në zgjedhjet e shtatorit.
“E konsiderojmë të nevojshme daljen e Gjermanisë nga Bashkimi Europian dhe themelimin e një grupi të ri interesi europian dhe ekonomik,” deklaruan delegatët e AFD-së.
Në lidhje me këtë ide, që në Gjermani ka marrë emrin “Dexit”, si Brexit-i i Anglisë vitin e kaluar, rivalët politikë thanë se kjo do të sillte fundin e BE-së dhe të tregut të përbashkët.
Partia më e madhe opozitare, e cila njihet për qëndrimet anti-myslimane dhe anti-emigracion, votoi edhe për ndalimin total të bashkimit familjar mes refugjatëve nëse do të vijë në pushtet, për një model emigracioni si të Japonisë, dhe që testet apo vaksinimi kundër covid-19 të mos jenë të detyrueshme.
Mbetet për t’u vendosur lideri që do e prijë AFD-në në garën parlamentare të 26 shtatorit.
Përballë ultra-djathtistëve do të jenë konservatorët e kancelares Angela Merkel, vendin e së cilës e kërkojnë dy kolegët e saj, Markus Zëder dhe Armin Lashet.
Sondazhet paraprake e renditin CDU-CSU-në e Merkelit me rreth 27 për qind të votave, të dytët vijnë të Gjelbrit, ndjekur nga socialdemokratët, ndërsa opozitarët e AFD-së luhaten mes 10 dhe 12 për qind të mbështetjes popullore.
