Robert Bajrushi-Jutarnji List[i]
Megjithëse duket sikur protestat studentore kundër rregjimit janë zbehur, pikërisht këtë të premte është zbuluar afera e cila e vë në një situatë të vështirë presidentin e Serbisë Aleksandër Vuçiç dhe ekipin e tij të korruptuar. Për këtë u aktivizuan menjëherë mediat pro Vuçiç, të cilat deklarojnë se bëhet fjalë për grusht shtetit.
Gjithçka nisi të karmashitet sepse ish ministri i qeverisë serbe Tomisllav Momiroviç dhe pesë individë të tjerë janë arrestuar për shkak të dyshimit se kanë kryer vepra korrupsioni të dënueshme në lidhje me projektin e modernizimit të hekurudhës që nga Novi sadi deri në kufirin me Hungarisë, deklaroi Prokuroria për kriminalitetin e organizuar (PKO). Në kuadër të këtij projekti është realizuar rikonstruksioni trevjeçar i stacionit hekurudhor të Novi Sadit, ndërsa TOK pohon se të arrestuarit dyshohet se kanë kryer vepra korrupsioni dhe kanë dëmtuar buxhetin e shtetit me 115 milionë dollarë. Njëkohësisht, dyshohet se konsorciumi i kompanive kineze (China Railway International Co. Ltd i China Communications Construction Company Ltd), që ndërton hekurudhën e shpejtë “ka nxjerrë përfitime pronësore” me vlerë sëpaku 18,7 milionë dollarë. Përfaqësuesit e pushtetit në Serbi kanë lidhur me këtë kosorcium kinez kontratë mbi bazën e marrëveshjes mes Serbisë dhe Kinës, pa shpallur tenderin.
Katër muaj pas rikonstruksionit dhe hapjes ceremoniale, me 1 nëntor 2024, kur u shëmb tarraca e ndërtesës së stacionit të trenit humbën jetën 16 persona, ndërsa njëri është dëmtuar rëndë. Pas kësaj ngjarje nisën protesta masive kundër rregjimit të Vuçiçit, të cilat i udhëhoqën studentët dhe më vonë atyre i’u bashkuan edhe grupime të ndryshme, ndërmjet të cilëve edhe e djathta nacionaliste. Vuçiçi arriti të qëndrojë në pushtet, por tani, me sa duket pa dijeninë e tij, Prokuroria arrestoi gjashtëshen e lidhur me qarqet qeveritare.
Emri që tingëllon më fort është Tomisllav Momiroviçi, i cili në kohën e rinovimit të ndërtesës së stacionit heklurudhor të Novi Sadit ka qënë ministër i ndërtimit, qarkullimit dhe infrastrukturës. Ka dhënë dorëheqjen nga posti i ministrit të tregtisë së brendshme dhe të jashtme me 20 nëntor të vitit të kaluar. Në procedurë është edhe Goran Vesiçi, i cili ka qënë ministër i ndërtimit, transportit dhe infrastukturës nga tetori i vitit 2022, deri në nëntor të vitit 2024, dhe momentalisht gjendet në spital duke u mjekuar. Vesiçi për vite me radhë ka qënë njeriu më i besuar i Vuçiçit.
Aksionin e kreu Grupi goditës për hetimin e rrrymave financiare të parave të lidhura me projektin “Modernizimi dhe rikonstruksioni i hekurudhës serbo-hungarze në linjën Novi Sad-Suboticë – kufiri shtetëror në Kelebijë”, antarë të së cilit janë nëpunës të policisë të Shërbimit për luftën kundër kriminalitetit të organizuar – Sektori për parandalimin e kriminalitetit të organizuar financiar dhe Sektori për parandalimin e pastrimit të parave, Sektori për luftën kundër korrupsionit, inspektorë të Policisë finaciare, pjestarë të Njësisë për hetime finaciare, punonjës të Drejtorisë për parandalimin e pastrimit të parave dhe Agjensisë për rregjistrat ekonomikë si dhe ekipi i Prokurorisë shtetërore për kriminalitetin e organizuar i cili përbëhet nga tre avokatë, tre hetues financiarë dhe dy bashkëputorë të prokurorisë, nënvizohet në deklaratë. Në fund të deklaratës thuhet se Grupi goditës në periudhën e ardhshme synon të vazdhojë punën e nisur me hetime të rrymave financiare që kanë të bëjnë me aspekte të projektit “Modernizimi dhe rikonstruksioni i hekurudhës serbo-hungarze në linjën Novi sad-Suboticë – kufiri shtetëror në Kelebije”.
Ish ministrja Zorana Mihajlloviç deklaroi se arrestimi i ministrit të ndërtimit, komunikacionit dhe infrastrukturës Tomisllav Momiroviç përbën “gjuetinë më brutale, para së gjithash për ‘kokën’” e presidentit serb Aleksandër Vuçiç. “Këtë e bëjnë pjesë të caktuara të istitucioneve, shteti i thellë. Shënjestra kryesore e tyre është Vuçiçi”, tha Mihajlloviçi në një intervistë për TV Informer.
Gazeta e Beogradit “Politika” shkon akoma më tej dhe paralajmëron se “ngjarjet e sotme në organet e drejtësisë dhe sigurisë kanë hapur çështjen serioze mbi rolin e legjitimitetit dhe veprimtarisë së prokurorisë publike për kriminalitetin e organizuar. Opinioni publik është përqndrruar në citatet mbi “përpjekjen masive për grusht shteti”, i cili, sipas shumë burimeve, po realizohet nga prokurorët dhe disa pjesë të policisë, gjoja sipas urdhërit të strukturave eprore europiane”, shkruan “Politika”.
Ka muaj që Vuçiçi përfytyron se po e shkatërrojnë shtetet perëndimore, megjithëse asnjëherë të vetme nuk ka paraqitur provca për një gjë të tillë. Më pas vjen konkluzioni i “Politikës” se “ekziston rreziku që prokuroria të përceptohet se instrument i ingjinjeringut politik, gjë që kërcënon direkt shtetin e së drejtës dhe stabilitetin institucional;”.
Vëmë në dukje se Aleksandër Vuçiçi ka thirrur urgjentisht mbedhjen e Këshillit për sigurinë kombëtare, e cila do të mbahet të shtunën në ora 12:00.
[i] https://www.jutarnji.hr/vijesti/svijet/uhiceni-ljudi-od-velikog-vucicevog-povjerenja-rezim-na-nogama-ovo-je-drzavni-udar-i-najbrutalniji-lov-na-glavu-predsjednika-15609484?cx_linkref=jl_home_teme_dana
/Përktheu për Argumentum Xhelal FEJZA
