Babai Xi Zhongxun ka ndikuar thellësisht te presidenti kinez Xi Jinping.
I lindur në një familje fshatare, Xi Zhongxun i njihte shumë mirë punët rurale. Edhe pse u bë lider partiak më vonë, gjatë inspektimeve, ai i ndihmonte shpesh bujqit në punët me tokën.
“Jam bir fshatari”, kështu përsëriste ai shumë herë në shtëpi dhe kjo natyrë e ka ndikuar edhe të birin Xi Jinping.
Në vitin 1969, Xi Jinping nisi punë në një fshat në veri të provincës Shaanxi. Brenda disa vitesh, ai i zotëroi shpejt punët e ndryshme dhe punonte e jetonte së bashku me banorët e fshatit.
Pasi u njoh plotësisht me jetën e vështirë të banorëve vendorë, kur u largua nga fshati në moshën 22 vjeçe, Xi kishte formësuar një objektiv të palëkundur “t’i shtoj mirëqenien popullit”.
Foto nga CMG
Pasi u bë lideri më i lartë i PKK-së, ai ka kryer mbi 50 vizita studimi në terren, duke udhëtuar në të 14 rajonet më të prekura nga varfëria.
Në vitin 1978, i ati Xi Zhongxun punonte në Guangdong si lider partiak për këtë provincë të Kinës Jugore. Ai kishte vizituar të gjitha qytetet dhe kontetë e provincës dhe shpesh bisedonte me qytetarë të thjeshtë gjatë bërjes së pazarit për të mësuar aktualitetin.
Asokohe, Xi Jinping, që ishte duke ndjekur studimet në Universitetin Tsinghua, e shoqëronte të atin gjatë pushimeve verore, duke mësuar nga stili i punës i tij.
Në vitin 1982, Xi Jinping u bë një kuadro partiak i kontesë Zhengding të provincës Hebei të Kinës Veriore.
Foto nga CMG
Atëkohë, shumë kolegë të tij vunë re se ai nuk qëndronte në zyrë, por shpesh bënte hulumtime në fshatra, madje vendoste tryeza në ambient publik për të dëgjuar vërejtjet e popullit. Njohja e realitetit është bërë një karakteristikë e theksuar e punës së tij.
Në një letër urimi për të atin me rastin e ditëlindjes, Xi Jinping shkroi se “devocioni juaj për t’i shërbyer popullit më ka inkurajuar t’ia përkushtoj gjithë jetën time kauzës së atdheut dhe popullit tonë”.
Gjatë më shumë se një dekade, pasi Xi Jinping u bë udhëheqësi më i lartë partiak dhe i shtetit, ai ka mbajtur premtimet për të realizuar një jetë më të lumtur të popullit, duke shpallur mbi 2000 reforma për të shtuar mirëqenien e njerëzve.
Foto nga CMG
Dy anëtarë të PKK-së nëpërmjet punëve të tyre, kanë krijuar shembuj, duke mbajtur aspiratën origjinale./CGTN
