Djali i liderit të Libisë Muammar Gaddafi u shfaq për pothuajse herë të parë në një dekadë të dielën për t’u regjistruar si kandidat presidencial për një votim në dhjetor të planifikuar për t’i dhënë fund viteve të kaosit që kur babai i tij u rrëzua.
Saif al-Islam Gaddafi, djali i ish-udhëheqësit të Libisë, Muammar Gaddafi, u regjistrua të dielën për të kandiduar në zgjedhjet presidenciale të dhjetorit në vend, tha Komisioni i Lartë Kombëtar i Zgjedhjeve.
“Sot, e diel, 14 nëntor 2021, kandidati Saif al-Islam Muammar Gaddafi paraqiti kandidaturën e tij për presidencën e shtetit libian”, thuhet në një deklaratë të komisionit.
“Kandidati Saif al-Islam Gaddafi gjithashtu mori kartën e tij zgjedhore nga qendra zgjedhore në të cilën është regjistruar”, thuhet në deklaratë, duke shtuar se numri i qendrës është 21021 në qytetin Sebha të Libisë jugore.
Libia do të mbajë zgjedhjet e përgjithshme më 24 dhjetor, si pjesë e një udhërrëfyesi të miratuar nga Forumi i Dialogut Politik Libian i sponsorizuar nga OKB.
Fotot dhe videot nga komisioni zgjedhor treguan Saif al-Islam Gaddafi duke regjistruar kandidaturën e tij i veshur me petka tradicionale dhe shaminë e kokës.
I lindur në vitin 1972, Saif al-Islam Gaddafi është i dyti nga tetë fëmijët e Gadafit, djali i madh i gruas së tij të dytë Safija.
Ai u lirua nga burgu sipas një ligji për amnisti në vitin 2017, pasi u ndalua në qytetin perëndimor të Zintan që nga rënia e regjimit të babait të tij në 2011.
