工作 —[gōng zuò]—punë
Ndërsa kinezët në Tokë kalonin pushimet e Festës së Varkës së Dragoit, ekuipazhi i anijës kozmike “Shenzhen-23” me astronautët e Kinës — Zhu Yangzhu, Zhang Zhiyuan dhe Li Jiying, ishin të ngarkuar duke punuar në stacionin hapësinor në një lartësi prej mbi 400 km.
Gjatë javës së kaluar, ekuipazhi “Shenzhou-23” kreu një sërë eksperimentesh shkencore në disiplina të shumta.
Ata përdorën spektromatësin Raman për të studiuar mikrobiomën dhe metabolizmin ushqimor, duke analizuar metabolitët në uri për të kuptuar se si ndryshon mikrobioma e zorrëve gjatë një fluturimi të gjatë në hapësirë dhe si ndikon mikrobioma në metabolizmin ushqimor.
Tre astronautët kryen gjithashtu eksperimente në lëvizjen vizuale dhe fizikën intuitive të mikrogravitetit, për të eksploruar se si graviteti ndikon mbi përpunimin e informacionit vizual dhe se si fluturimi afatgjatë në hapësirë ndikon mbi perceptimin intuitiv fizik dhe rikuperimin e tij.
Krahas këtyre, astronautët zhvilluan studime mbi njohjen dhe vlerësimin emocional në orbitë, si dhe testimin e aftësive të vendimmarrjes në raste emergjente, për të kuptuar rregullat e ndryshimit të gjendjeve emocionale dhe aftësitë e reagimit urgjent.
Përveç eksperimenteve shkencore, ekuipazhi kreu edhe detyra mirëmbajtjeje, duke përfshirë zëvendësimin e mostrave eksperimentale në kabinetet e lëngut, çmontimin dhe rimontimin e moduleve të eksperimenteve të fazës së dytë, instalimin e pajisjes së imazhit termik me infra të kuqe, si dhe përpunimin e mostrave të lidhura me organizmat dhe bimët ujore.
Javën e kaluar, ekuipazhi kreu trajnimin e parë për urgjencat mjekësore që nga hyrja në orbitë, duke u përqendruar në përshtatjen e procedurave të shpëtimit dhe teknikave të aplikimit të forcës në një mjedis mikrograviteti.
Në sistemet e platformës së stacionit hapësinor, ata matën rrjedhën e ajrit në kabinë, temperaturën dhe pastërtinë e ajrit, mblodhën mostra mikrobiologjike, inspektuan dhe mirëmbajtën sistemet rigjeneruese të mbështetjes së jetës, kontrolluan pajisjet e ruajtjes në temperaturë të ulët dhe zëvendësuan një derë në ndarjet e gjumit të modulit kryesor.
Për menaxhimin e shëndetit, astronautët kryen ekzaminime të shikimit, presionit intraokular dhe fundusit. Ata gjithashtu përdorën një pajisje kundërmase për humbjen e kockave për ushtrime mbrojtëse./CGTN
