Keno Fersek-[i]
Spiunazhi, lufta e shërbimeve sekrete, epokë e akullt në marrëdhëniet diplomatike me Ukrainën, fushatë propaganduese proruse, fjalimi luftarak i ministrit të mbrojtjes dhe në fund hetimi i dyshimtë kundër kundërshtarit më të rëndësishëm të sistemit të Orbanit – Hungaria momentalisht nuk po kalon vetëm në periudhën e titujve bombastikë por ndoshta këtyre ditëve vendoset nëse vendi do të rikthehet në rrugën demokratike ose, me Orbanin në krye, bie në diktaturë sipas shembullit të Moskës.
Por, le ta marrim me radhë. Të premten e kaluar shërbimi i fshehtë i Ukrainës SBU deklaroi se në zonën e Karpateve në kufirin me Hungarinë ka arrestuar dy shtetas ukrainas të cilët gjoja spiunonin në favor të Hungarisë. SBU-ja në mënyrë që të përforconte akuzat, publikoi shumë materiale dhe gjoja pranimin e njërit prej të arrestuarve.
Dyshiohet se spiunët mblidhin, në shërbim të shërbimit të fshehtë hungarez, të dhëna për lëvizjet e ushtrisë, të dhëna në lidhje me atë se ku mund të blihen armë në tregun e zi si dhe informacione për mënyrën sesi do të sillej popullsia lokale në rast të një sulmi të ushtrisë hungareze.
Marrëdhënie të ftohta me Ukrainën
Ky është rasti i parë që Ukraina zbulon gjoja spiunë hungarezë, dhe kjo ndodh pikërisht në momentin kur marrëdhëniet mes dy fqinjëve janë në pikën më të ulët të viteve të fundit.
Përgjigja nga Budapesti nuk vonoi. Po atë ditë Ministri hungarez i punëve të jashtme Peter Sijarto dëboi dy diplomatë ukrainas gjoja për spiunazh. Sjarto deklaroi nëpërmjet fejsbukut se Hungaria nuk do të lejojë që Ukraina ta akuzojë në mënyrë konstante vetëm për fatkin se Hungaria dëshiron paqe dhe se ajo nuk do ta lejojë që t’a tërheqin në luftë.
Menjhëherë më pas reagoi edhe kryeministri Orban. Tha se momentalisht në Hungari po merret vendimi nëse Ukraina do të bëhet antare e Bashkimit Europian, dhe se kjo “nuk i pëlqen as Brukselit dhe as Kievit”. Me këtë Orbani aludoi për referendumin e mundshëm në Hungari mbi antarsimin e Ukrainës në BE, të cilin e ka paralajmëruar qeveria e tij, në një kohë që fushata është mbushur me propagandë raciste e drejtuar kundër ukrianasve.
“Faza zero në rrugën drejt luftës”
Kjo është hera e parë që nga invazioni rus në Ukrainë që ky vend, në këtë nivel, konfliktohet me një antar të NATO-s. Skandalit i jep peshë akoma më të madhe edhe një fjalim, i zbuluar para pak kohësh, që ka mbajtur Ministri hungarez i mbrojtjes Krishtof Salaj Bobrovincki në muajin prill të vitit 2023. Këtë fjalim e bëri publik lideri kryesor i opozitës Peter Magjar, konkurenti kryesor i Orbanit në zgjedhjet e vitit të ardhshëm.
Në këtë fjalim Salaj Bobrovincki flet për atë se Hungaria po i thotë lamtumirë “mentalitetit paqesor” të saj dhe po kalon në “fazën zero në rrugën drejt luftës”. Për hir të së vërtetës ai nuk cilëson se për çfarë lufte bëhet fjalë por tha se vetëm ka dashur të nënvizojë se Hungaria është e gatshme të mbrojë paqen e saj. Kjo deklaratë është e kundërt me praullën e Orbanit sipas të cilit Hungria është vendi i vetëm në BE që dëshiron paqen.
Ky kombinim i “fjalimit luftarak” të ministrit të mbrojtjes dhe lajmeve për spiunazh në zonën e karpateve flet në favor të asaj se Orbani përllogarit edhe ndryshime të mundshme të kufinjve dhe kthimin në përbërje të Hungarisë të një pjese të zonës së Karpateve e cila dikur ka qënë e Hungarisë. Për hir të së vërtetës, momentalisht ka shumë pak mundësi që Hungaria të veprojë ushtarakisht kundër Ukrainës, por Orbani, deri tani, disa, për Ukrainën ka folur si për “një vend të askujt” ose si territor të “quajtur Ukrainë”, duke mohuar shtetësinë e këtij vendi fqinjë. Mesazhe të tilla Orbani ka adresuar edhe kundër Kroacisë duke hedhur në qarkullim harta historike të Hungarisë në përbërje të së cilës dikur gjendej edhe Kroacia.
Por ashtu, Organi shpesh e akuzon Ukrainën se nuk respekton të drejtat e pakicës hungareze gjë që nuk është në përputhje me ralitetin. Qëndrimet proruse dhe antiukrainase të Orbanit duken akoma më të rrezikshme nëse kemi parasysh se Rusia mendon për atë se në rast fitoreje mbi Ukrainën, pjesë të këtij vendi “t’ua ndajë” fqinjëve të saj Polonisë, Sllovakisë, Rumanisë dhe Hungarisë. Orbani kurrë nuk i ka hedhur poshtë këto plane dhe nuk përsërit më si më parë se Hungaria nuk dëshiron ndryshime kufinjsh.
Fushatë kundër ish shefit të shtabit të përgjithshëm të ushtrisë hungareze
Ndërkohë po dalin në dritë gjithnjë e më shumë detaje për largimin nga detyra të ish shefit të shtabit të përgjithshëm të ushtrisë hungarze Romulus Rusin Sendi, i cili ndërkohë është bërë zëdhënës i partisë opozitare Tisa. Tani kundër tij qeveria bën fushatë për gjoja tradhëti dhe qëndrime proukrainase. Madje Orbani i ngarkon edhe akuzën për tradhëti të lartë.
Orbani, në kuadrin e luftës kundër partisë opozitare Tisa, e cila sipas anketave është shumë përpara partisë Fides të Orbanit, e akuzon Peter Magjarin se punon në shërbim të Ukrainës dhe jo të Hungarisë. Sipas tij, duket qartë se Ukraina ka zëvendësuar Xhorxh Sorosin i cili më parë është trajtuar si “financues i opozitës” dhe gazetarëve që shkruanin kundër rregjimit.
Duke se në rastin e Peter Magjarit kjo fushatë nuk është e suksesshme. Magjari dhe partia e tij vazhdojnë të jenë forca politike më popullore në vend.
Tani duhet qartë se Orbani kalon në zbatimin e teknikës ruse të asgjësimit të kundërshtarëve si në rastin e Aleksej Navalnit: një sërë procesesh gjyqësore. Ka kohë Magjari akuzohej për manipulime me aksionet bankare. Megjithëse nuk ka prova, Banka qendrore e Hungarisë dhe Prokuroria shtetërore kanë nisur hetimin dhe gjoja disponojnë të dhëna. Mediat e rregjimit tashmë hamendësojnë mbi burgimin shumëvjeçar për Magjarin: pesë vite burgim.
[i] https://www.dw.com/sr/ma%C4%91arska-na-prekretnici-zbog-%C5%A1pijunskog-skandala-s-ukrajinom/a-72538809
/Përktheu për Argumentum Xhelal FEJZA
