Hyn në fuqi përjashtimi i bizneseve nga TVSH-ja dhe taksa e infrastrukturës, për rindërtimin pas tërmetit

Bizneset përjashtohet nga TVSH-ja dhe taksa e infrastrukturës, për rindërtimin pas tërmetit të 26 nëntorit 2019.

Janë botuar në Fletoren Zyrtare udhëzimet: “Për procedurat për lëshimin e autorizimit, për  subjektet e rindërtimit dhe për përjashtimin nga tatimi mbi vlerën e shtuar të furnizimit  të mallrave e shërbimeve, për qëllime të procesit të rindërtimit” dhe “Përjashtimi nga taksa e infrastrukturës”.

Përjashtimi nga TVSH

Udhëzimi përcakton përjashtimi nga TVSH-ja të furnizimit të procesit të ndërtimit, i kryer nga subjekte të autorizuara të rindërtimit, dhe i furnizimit të mallrave e shërbimeve që përdoren prej tyre vetëm për qëllime të rindërtimit.

Përjashtohet nga tatimi mbi vlerën e shtuar (TVSH), brenda programit dhe përgjatë periudhës së rindërtimit për rastet e shpalljes së “gjendjes së fatkeqësisë natyrore”, sipas përcaktimeve në

legjislacionin e rindërtimit:

1. a) furnizimi i procesit të ndërtimit, që realizohet nga ndërtuesit, subjekte të rindërtimit;
2. b) furnizimi i shërbimeve dhe mallrave për procesin e ndërtimit, i kryer direkt për ndërtuesit. Programet e rindërtimit, për të cilat do të aplikohet përjashtimi nga TVSH-ja janë:
   1. a) Programi i ndërtimit të objekteve në zonat e reja apo në të njëjtin truall, që përfshin:
   2. ndërtimin e objekteve të reja dhe të infrastrukturës publike nga autoritetet shtetërore;
   3. ndërtimin e objekteve të reja dhe të infrastrukturës publike nga donatorët;
   iii. rindërtimin e ndërtesave të shembura nga fatkeqësia natyrore në të njëjtin truall.
   1. b) Programi i ndërtimit të infrastrukturës publike, kur nuk është pjesë e programeve të tjera të parashikuara në ligj, dhe të infrastrukturës kritike, me anë të të cilit, me financim nga fondi i

Udhëzimi i dytë “Përjashtimi nga taksa e infrastrukturës” përcaktohen kushtet, rregullat dhe dokumentet që shoqërojnë kërkesën për dhënien e lejes së ndërtimit për rindërtimin, riparimin apo restaurimin e ndërtimeve të destinuara për qëllime banimi, të dëmtuara si pasojë e fatkeqësisë natyrore, për përjashtimin nga pagesa e taksës së ndikimit në infrastrukturë.Publikimi i tyre në Fletoren Zyrtare, i jep rrugë zbatimit të vendimit të qeverisë për përjashtimin e biznesit nga TVSH-ja dhe taksa e infrastrukturës në procesin e rindërtimit pas tërmetit. 

© Argumentum.