Presidenti i Francës, Emmanuel Macron deklaroi sot në Tiranë se “mbështet idenë e kryeministrit Edi Rama për ngritjen e një sekretariati që të bashkërendojë aktivitetet në kuadër të KPE-së”.
Në fjalën e tij në samitin e komunitetit politik europian, Macron theksoi se “është koha siç e sugjeroi edhe Edi të ngrihet një sekretariat që të bashkërendojë këto aktivitete në kuadër të KPE-së dhe ndoshta që të kemi ose të përfshijë edhe praninë e Këshillit Evropian dhe kjo do të ishte e dobishme”.
Më tej Macron foli edhe për sigurinë ekonomike duke theksuar se “deri tani më nuk kemi kuptuar se përfaqësojmë 700 milionë banorë shumë më tepër se ai amerikan, shumë më koherentë, po të shikoni nivelin mesatar është edhe me më ndikim se sa tregu kinez. na duhet të rrisim bashkëpunimin e të punojmë për këtë duke hequr barrierat tregtare që kjo Evropa jonë e madhe të jetë më e bashkuar ekonomikisht dhe nga pikëpamja tregtare. Kjo është çfarë po bëjmë kur themi kjo është edhe pjesë e diskutimeve midis BE dhe mbretërisë së bashkuar”.
“Duhet bërë diçka më shumë për integrimin rajonal që duhet të jetë një tjetër çështje e diskutuar si dhe zgjerimi i BE-së”, tha Macron.
Ne, vijoi Macron, do të bashkërendohemi për të luftuar të gjitha kërcënimet që vijnë nga ajashtë, gjithçka që mund të sjellë konkurrencë të pandershme.
“Do të jemi më të fortë po të rrimë së bashku, më të aftë të për të përballuar konkurrencën nga Azia dhe të bashkërendohemi për të mbrojtur tregjet tona. Sugjeroj të bashkërendojmë punën tonë edhe për çështje të unitetit ekonomik në nivelin e KPE-së. Jemi në një pikë në kohë kur duhet që ti dalim zot situatës. Rreziku për Evropën nuk e di në qoftë se është Zeusi, nëse ka dorë ai këtu, por rreziqet janë të pranishme dhe KPE na ndihmon dhe na lejon që të shtrihemi nga pikëpamja ushtarake sa i takon edhe sigurisë dhe ekonomisë dhe na lejon të bashkërendojmë disa nisma konkrete”, tha Macron.
