“Shpresoj se vizita ime do të forcojë marrëdhëniet miqësore midis Mianmarit dhe Kinës”, kështu tha presidenti i Mianmarit Min Aung Hlaing në një intervistë për Grupin Mediatik të Kinës.
Si një lider i huaj që ka vizituar Kinën për më shumë se dhjetë herë, ai ka dëshmuar përparimin e Kinës në rrugën e modernizimit dhe vlerësoi ndërtimin e përbashkët të nismës “Një brez, një rrugë” për të sjellë mundësi zhvillimi në Mianmar.
Kina dhe Mianmari janë vende fqinje që vendosën marrëdhënie diplomatike në qershor të vitit 1950. Gjatë shkëmbimeve të ngushta që nga koha e lashtë, dy popujt krijojnë ndjenja të thella si vëllezër.
Në intervistën, kreu i shtetit i Mianmarit përsëriti këtë. “Si fqinjë miqësorë, Mianmari dhe Kina ndajnë një kufi që shtrihet mbi 2 000 kilometra. Jemi si vëllezër gjaku. Bashkëpunimi ynë është i thelluar, i gjerë në fusha të ndryshme. Pavarësisht tani apo në të ardhmen, ne mbetemi të palëkundur për të thelluar bashkëpunim dypalësh, duke forcuar vazhdimisht besimin dhe duke konsoliduar miqësinë tonë. Do të punojmë krah për krah për të promovuar unitetin dhe bashkëpunimin rajonal, dhe Mianmari do të vazhdojë të jetë një fqinj miqësor i Kinës”, tha ai.
Remaining Time -23:43
1xPlayback RatePicture-in-PictureFullscreenAutoAuto
Duke folur për vizitat e shumta që ka patur në Kinë, Min Aung Hlaing tha se ka qenë dëshmitar i drejtpërdrejtë i ndryshimeve të jashtëzakonshme dhe transformuese që po ndodhin në të gjithë vendin. “Ka shumë fusha ku Mianmari mund të mësojë nga Kina. Zhvillimi i infrastrukturës është një fushë kyçe për bashkëpunimin midis dy palëve. Për më tepër, ekzistojnë mundësi të mëdha për bashkëpunim në fusha të shumta, duke përfshirë teknologjinë inxhinierike, elektronikën, shkencën dhe teknologjinë, teknologjinë hapësinore, si dhe mbarështimin e farërave dhe prodhimin industrial. Ne duhet të vazhdojmë të zgjerojmë fushën e bashkëpunimit, të rrisim investimet dhe të rrisim përmasën e tregtisë dypalëshe”, shtoi ai.
Mianmari është një pjesëmarrës kyç në ndërtimin e përbashkët të nismës “Një brez, një rrugë”. Brenda kësaj kornize, të dy vendet kanë arritur vazhdimisht rezultate të reja në fusha si investimet ekonomiko-tregtare, infrastruktura, energjia dhe përmirësimi i mirëqenies së popullit.
Në intervistë Min Aung Hlaing vlerësoi objektivin kësaj nisme që synon promovimin e lulëzimit dhe zhvillimit global. Si për shembull, Korridori Ekonomik Mianmar-Kinë i krijuar brenda kësaj kornize, ofron përfitime të konsiderueshme për zhvillimin kombëtar të Mianmarit dhe për bashkëpunimin dypalësh. “Unë dhe Mianmari jemi plotësisht të përkushtuar për të ndërtuar me sukses këto projekte”, tha presidenti Min Aung Hlaing.
Ai cilësoi edhe nismat globale të propozuara nga homologu kinez Xi Jinping, duke vënë në dukje se këto nisma përqendrohen në zhvillimin e përbashkët dhe me siguri do të japin rezultate pozitive. Gjithashtu ai ritheksoi këmbënguljen në parimin e “Një Kine”, duke pohuar se në botë ekziston vetëm një Kinë dhe tërësia territoriale e Kinës është i pandashme. “Qoftë tani apo në të ardhmen, ne gjithmonë do ta mbështesim fuqimisht parimin e ‘një Kine’”, tha kreu i shtetit i Mianmarit.-CGTN
