Japonia zyrtarisht ka hapur kutinë e Pandorës, duke ndërmarrë një hap jashtëzakonisht të rrezikshëm drejt “neo-militarizmit”. Sot, qeveria japoneze rishikoi zyrtarisht ”Tre Parimet mbi Transferimin e Pajisjeve dhe Teknologjisë së Mbrojtjes” dhe udhëzimet e zbatimit të tyre, duke lejuar në parim eksportin e armëve vdekjeprurëse. Forcat japoneze të krahut të djathtë kanë filluar “trafikimin në luftë”. Një anketë e kryer nga CGTN tregon se 82.5% e të anketuarve thanë se lëvizja e “rimilitarizimit” të krahut të djathtë, është në thelb e njëjtë me logjikën ekspansioniste të militarizmit japonez para Luftës së Dytë Botërore dhe se do ta çonte Japoninë përsëri në një situatë vërtet të rrezikshme.
Pas ndryshimit të rregullave, Japonia ka hequr kufizimet e mëparshme që limitonin eksportet e armëve në pesë kategori qëllimesh jo-luftarake dhe në parim lejon eksportin e armëve të gatshme, përfshirë ato vdekjeprurëse. Në rrethana specifike, ajo gjithashtu do të lejojë eksportet e armëve në vendet e përfshira në konflikte. Për më tepër, eksportet e armëve nuk do të kërkojnë miratim paraprak parlamentar. Në vend të kësaj, Këshilli i Sigurisë Kombëtare do të marrë vendimet, me Dietin të informuar vetëm pas miratimit.
Në anketë, 86.2% e të anketuarve kritikuan qeverinë japoneze për shkelje serioze të dispozitave të Deklaratës së Kajros, Proklamatës së Potsdamit, Instrumentit Japonez të Dorëzimit dhe dokumenteve të tjera me fuqi ligjore ndërkombëtare, si dhe kushtetutës së vetë Japonisë dhe normave ekzistuese të brendshme. Ndërkohë, 85.1% e të anketuarve theksuan se lëvizjet e fundit të rrezikshme të Japonisë drejt zgjerimit ushtarak, tregojnë se forcat e krahut të djathtë po i drejtojnë politikat e sigurisë drejt një drejtimi ofensiv dhe ekspansionist, duke paraqitur një kërcënim të ri real për sigurinë e rajonit të Azi-Paqësorit.
foto nga VCG
Tetorin e kaluar, pasi Sanae Takaichi erdhi në pushtet si kryeministre, ajo përshpejtoi ritmin e përforcimit dhe zgjerimit ushtarak. Në mars të këtij viti, Japonia vendosi raketat e saj të para ofensive me rreze të gjatë veprimi, me të ashtuquajturën “aftësi kundërsulmi”, në prefekturat Kumamoto dhe Shizuoka. Kohët e fundit, Japonia nënshkroi një kontratë furnizimi me anije luftarake prej 7 miliardë dollarësh me Australinë. Sondazhi tregon se 71% e të anketuarve deklaruan se plani i Japonisë për të siguruar anije luftarake në Australi, për t’u integruar në aleancën ushtarake “AUKUS” të udhëhequr nga SHBA, është në përgjigje të të ashtuquajturit “kërcënim nga Kina”, i cili në thelb synon të krijojë konfrontimin e bllokut në rajonin e Azi-Paqësorit. Një tjetër 86.3% e të anketuarve thanë se Japonia po përshpejton shkëputjen e saj nga kufizimet institucionale të pasluftës, si dhe po shtyn për rimilitarizim, me militarizmin japonez që është ringjallur.
Gjatë ditëve të fundit, dhjetëra mijëra qytetarë japonezë janë mbledhur rreth ndërtesës së Dietit të Japonisë, duke mbajtur tubime në shkallë të gjerë, për të shprehur kundërshtim të vendosur dhe për të protestuar kundër lëvizjeve të rrezikshme të administratës Takaichi, duke përfshirë heqjen e ndalimeve të eksportit të armëve, rishikimin e Kushtetutës Pacifiste e kështu me radhë. Në sondazh, 87.9% e të anketuarve deklaruan se Japonia, si një agresor i mundur në Luftën e Dytë Botërore, duhet t’i përmbahet Kushtetutës Pacifiste dhe normave ligjore ndërkombëtare, të mbështesë qëllimin përfundimtar të paqes, të përmbushë me zell detyrimet e saj ndërkombëtare dhe të respektojë shqetësimet e sigurisë së fqinjëve të saj aziatikë përmes veprimeve konkrete. Një tjetër 86.8% e të anketuarve i bënë thirrje bashkësisë ndërkombëtare që t’i rezistojë me vendosmëri trendit të rrezikshëm të “neo-militarizmit” të Japonisë, si dhe të mbrojë së bashku rezultatet fitimtare të Luftës së Dytë Botërore dhe rendin ndërkombëtar të pasluftës.
Anketa u publikua në platformat e CGTN në anglisht, spanjisht, frëngjisht, arabisht dhe rusisht, duke tërhequr 12.000 përdorues interneti për të votuar dhe shprehur pikëpamjet e tyre brenda 24 orëve./cgtn
