Rusia, Irani dhe një numër i vendeve arabe, përfshirë aleatët e SHBA-së në Gjirin Persik, kanë kritikuar vendimin e presidentit të SHBA-së, Donald Trump për njohjen e sovranitetit të Izraelit në Rrafshnaltën e Golanit.
Këto vende nënvizojnë se një vendim i tillë shkel ligjin ndërkombëtar dhe minon stabilitetin rajonal. “Nisur nga pikëpamja e një zgjidhje politike në Lindjen e Mesme dhe atmosferës politike në Siri padyshim se vendimet e tilla kanë pasoja”, tha Dmitri Peskov, zëdhënës i presidentit rus, Vladimir Putin.
Presidenti i SHBA-së, Donald Trump, më 25 mars, nënshkroi njohjen e sovranitetit të Izraelit në Rrafshnaltën e Golanit. Izraeli e pushtoi rajonin nga Siria gjatë luftës së vitit 1967 dhe bëri aneksimin efektiv në vitin 1981. Ky veprim nuk mori mbështetjen ndërkombëtare.
Presidenti i Iranit, Hassan Rohani tha se askush nuk mund të imagjinojë që një person në Amerikë i jep territorin e një kombi një vendi tjetër pushtues.
Sipas presidentit iranian një veprim i tillë është i pashembullt në këtë shekull. Arabia Saudite, Bahrein, Katari dhe Kuvajti, të gjitha vende aleate të Uashingtonit, gjithashtu kundërshuan vendimin. Në Siri, agjencia shtetërore e lajmeve raportoi se mijëra njerëz kanë protestuar ndaj vendimit të Trumpit.
Presidenti i Libanit, Michel Aoun, ka deklaruar se udhëheqësit e huaj nuk kanë të drejtë të marrin vendime për “territore të vendeve të tjera”,
Aoun, i cili gjendet në kryeqytetin e Rusisë, Moskë, u takua me kreun e Dumës shtetërore ruse, Vyacheslav Volodin.
Presidenti libanez reagoi ndaj vendimit të presidentit të SHBA-ve, Donald Trump, mbi Lartësirat e Golanit. “Hapat e tilla të SHBA-ve janë duke shkelur hapur të drejtën ndërkombëtare dhe vendimet e Këshillit të Sigurimit të Kombeve të Bashkuara (KS-OKB)”, tha ai.
Aoun gjithashtu ka kritikuar edhe politikat të cilat kryen Izraeli, duke theksuar se “Është i papranueshëm që Izraeli të pranohet si ‘shteti kombëtar i hebrenjëve’. Izraelitët pranuan natyrën raciste të shtetit të tyre. Para 70 vitesh luftonim kundër Hitlerit dhe fashizmit. Tani të njëjtën politikë të cilin e ndiqte Hitleri e ndjek shteti izraelit”.
Kryeministri i Izraelit, Benjamin Netanyahu ka thënë se njohja nga Trumpi e bën aleancën midis Izraelit dhe Amerikës “më të fortë dhe më të madhe se kurrë”. Izraeli e okupoi rajonin nga Siria gjatë luftës së vitit 1967 dhe bëri aneksimin efektiv në vitin 1981. Ky veprim nuk mori mbështetjen ndërkombëtare.
Vendimi i presidentit, Donald Trump pason zhvendosjen e ambasadës amerikane nga Tel Avivi në Jerusalem gjatë vitit të kaluar, veprim ky që gjithashtu zemërimin e palestinezëve dhe arabëve.
