Socialistët nisën sot fushatën e tyre elektorale për zgjedhjet e 30 qershorit.
Ndërkohë që, Erion Veliaj është konfirmuar nga Partia Socialiste për të konkurruar për një mandat të dytë në drejtimin e kryeqytetit.
Zgjedhjet e 30 qershorit do të zhvillohen pa pjesëmarrjen e opozitës, pasi këta të fundit dogjën mandatet dhe prej muajsh vijojnë protestat ku kërkojnë një qeveri tranzitore pa kryeministër Edi Ramën, që do t’u mundësonte më pas zgjedhje të lira dhe të ndershme.
Nisur ky bojkot i opozitës, presidenti Meta është shfaqur i gatshëm që nëse do të ketë vullnet politik, të ndryshojë datën e zgjidhjeve, por Edi Rama është shprehur i prerë se shtyrja e datës së zgjedhjeve është në shkelje të kushtetutës, për këtë arsye 30 qershori, sipas tij nuk do të lëvizë. Ndërkohë që nesër në orën 19:00 opozita do të zhvillojë protestën e shtatë kombëtare përpara Kryeministrisë.
Pavarësisht se në 35 bashki socialistët nuk kanë rivalë, për ata rëndësi parësore ka zhvillimi i këtyre zgjedhjeve më 30 qershor, përfshi realizimin e tyre në përputhje me standardet europiane.
===
Kryeministri Edi Rama dha një mesazh shume të fort në hapjen e fushatës së Partisë Socialiste për zgjedhjet lokale të 30 Qershorit.
Lideri i qeverisë deklaroi se opozita ka frikë që të futet në zgjedhje, por i paralajmëroi duke u thënë mos e çoni në mendje bllokimin e zgjedhjeve.
“Sot nis maratona jonë 30 ditore për konfirmimin e PS-së si forca e padiskutueshme e ndryshimit dhe zhvillimit në çdo bashki të Shqipërisë. Për një betejë politike më të qartë se asnjëherë mes të shkuarës dhe ardhmes, ne duam ta çojmë Shqipërinë përpara me punë dhe atyre që duan ta kthejnë me baltë, sherr dhe konflikt. Ne duam një vend normal për fëmijët tanë, ata duan vetëm pushtet përmes dhunimit të demokracisë. Sot është 1 Qershori, dita e fëmijëve dhe ardhmërisë që duam të ndërtojmë për ata. Rruga e vështirë që kemi zgjedhur, që askush nuk guxoi ti i imagjinonte është detyrimi unë ndaj fëmijëve. Edhe këto zgjedhje që janë braktisur nga kundërshtarët tanë kryesorë politikë. Ata kanë frikë nga zgjedhjet prandaj bërtasin rrugëve dhe kërcënojnë. Kanë frikë nga ballafaqimi demokratik, dhe betohen se do të imponojnë një përplasje anti demokratike. Sot unë u them se zgjedhjet janë të çdokujt prej jush dhe kush e çon ndërmend tu pengojë duhet të mendojë dy herë para se ti bjerë me kokë gurit themelor. Ata që vendosën që të dalin nga binarët e sistemit nuk mund të vendosin për asgjë më shumë përves njeri tjetrit. Zgjedhjet pa opozitën kryesore janë anti demokratike kur pengohet jo kur vendos që të mos hyjë vetë” tha Rama.
