Inxhinierët kinezë zbuluan të shtunën një gjeneratë të re kompjuterësh të ngjashëm me trurin, të quajtur “Darwin Monkey”, që mund të imitojë funksionimin e trurit të një majmuni makak, shkruan “Xinhua”.
I zhvilluar nga laboratori kombëtar kyç i inteligjencës së trurit në Universitetin Zhejiang të Kinës Lindore, kompjuteri është i pajisur me 960 çipa Darwin 3, njësitë e përpunimit nervor të gjeneratës së tretë të ngjashme me trurin të zhvilluara në mënyrë të pavarur nga laboratori.
Grupi i mikroçipave mbështet më shumë se 2 miliardë neurone të pulsuara dhe mbi 100 miliardë sinapse, duke e bërë “Darwin Monkey” kompjuterin e parë në botë të ngjashëm me trurin që kombinon aftësitë e përparuara të të menduarit me funksionet e shikimit, dëgjimit, gjuhës dhe të të nxënit.
foto nga “stdaily.com”
Ai konsumon afërsisht 2000 vat energji në kushte tipike operimi.
Ekipi i hulumtimit ka vendosur me sukses disa aplikacione inteligjente në kompjuter. Ai mund të mbështetet te modeli i madh i ngjashëm me trurin “DeepSeek” për të kryer detyra të tilla si arsyetimi logjik, gjenerimi i përmbajtjes dhe zgjidhja e problemeve matematikore.
Sistemi mund të simulojë paraprakisht trurin e kafshëve me madhësi të ndryshme të neuroneve, duke ofruar mundësi të reja për kërkimin shkencor të trurit./cgtn
