Sekretari i përgjithshëm i Komitetit Qendror të Partisë Komuniste të Kinës (PKK), president i Kinës dhe kryetar i Komisionit Ushtarak Qendror, Xi Jinping, dha udhëzime të rëndësishme për studimin dhe zbatimin e opinioneve dhe sugjerimeve të përdoruesve të internetit në punën e hartimit të planit të 15-të 5-vjeçar. Ai theksoi se aktiviteti i mbledhjes së opinioneve dhe sugjerimeve në internet për planin e 15-të 5-vjeçar pati një pjesëmarrje të madhe e një mbulim të gjerë, duke qenë një praktikë e gjallë e demokracisë popullore në mbarë procesin. Shumë banorë dhanë në mënyrë aktive opinione e sugjerime të vlefshme, të cilat departamentet përkatëse duhet t’i studiojnë e t’i përvetësojnë seriozisht.
Komitetet e Partisë dhe organet e pushtetit në të gjitha nivelet duhet t’i përmbahen gjithmonë qasjes së përqendruar te njerëzit, të kryejnë hetime të gjera e të thelluara mbi ndjenjat e njerëzve, të dëgjojnë zërin e të bashkojnë mençurinë e tyre, në mënyrë që të krijojnë një sinergji të fortë për të çuar përpara modernizimin e Kinës dhe për të realizuar vazhdimisht dëshirën e popullit për një jetë më të mirë.
Me qëllim zbatimin e udhëzimeve të rëndësishme të presidentit kinez Xi Jinping mbi vendimmarrjen shkencore, demokratike e ligjore dhe përfundimin e hartimit të planit të 15-të pesëvjeçar me cilësi të lartë, nga 20 maji deri më 20 qershor në uebsajtet e mediave zyrtare kryesore të Kinës u zhvillua aktiviteti i mbledhjes së opinioneve e sugjerimeve nga përdoruesit e internetit për hartimin e planit të 15-të pesëvjeçar. Në këtë aktivitet u mblodhën gjithsej 311.3 milionë opinione e sugjerime nga përdoruesit e internetit./cgtn
